Genesis 36 - Labrador Inuttitut Heritage Bible

Esauekut.

¹ Tamadja unipkautsit Esauemik — imaitoᴋ: Edomemik.

² Esauib nuliarivait Kânaanib panningita illangit: Ada, Elonib Hetiterib panninga, Oholibamalo, Anab panninga, Sibeonib Horiterib erngutanga,

³ Basmatalo Ismaêlib panninga Nebajotib najanga.

⁴ Adablo Esauemut erniarivâ Elifase; Basmatablo erniarivâ Reguele.

⁵ Oholibamablo erniarivait Jêguselo Jagadlalo Koralo. Tamadja Esauib erningit erniangomajut tâpsomunga Kânaanib nunangane.

⁶ Esauiblo tiguvait nuliane erninelo panninelo iglomioᴋatinelo tamaita, saugaᴋotinelo nergjuteᴋotinelo perᴋutinelo tamaita, Kânaanib nunangane pissiarijane, nunablo assianut nûpoᴋ, nukane Jako ᴋemaklugo,

⁷ Perᴋuteᴋaluaralloarmut nunaᴋatigêgungnangimanik, nunablo tujormiangovigijangata ajorpait nergjuteᴋotingita unurningit pivlugit.

⁸ Taimak Esaue Seirib ᴋaᴋᴋangine nunaᴋalerpoᴋ. Esaue tagva Edome.

⁹ Tamadja Esauib kinguvângit; tâmna Edomiterit Seirib ᴋaᴋᴋanginêtut atâtagivât.

¹⁰ Tamadjalo Esauib erningita attingit: Elifase Adab erninga Esauib nuliangata; Reguele Basmatib erninga Esauib nuliangata.

¹¹ Elifasib erningit tagva: Teman, Omar, Sefo, Gaetam, Kenase.

¹² Elifasiblo Esauib erningata panervgarivâ Timna; tâpsoma Amalek erniarivâ Elifasemut. Tâpkoangovut Adab kinguvângit Esauib nuliangata.

¹³ Reguelib erningit tagva: Nagat, Sera, Sama, Misa. Tâpkoangovut Basmatib kinguvângit Esauib nuliangata.

¹⁴ Ukkoale Oholibamab ernerivait Anab panningata Sibeonib erngutangata, Esauib nuliangata: Jêguselo, Jagadlalo, Koralo ernerivait Esauemut.

¹⁵ Tamadja Esauib kinguvângita angajoᴋângit, Elifasib Esauemut erniangorᴋârtub erningit: angajoᴋâᴋ Teman, angajoᴋâᴋ Omar, angajoᴋâᴋ Sefo, angajoᴋâᴋ Kenase,

¹⁶ Angajoᴋâᴋ Kora, angajoᴋâᴋ Gaetam, angajoᴋâᴋ Amalek. Tâpkoangovut Elifasekut angajoᴋângit Edomib nunangane; Adab tâpkoa kinguvârivait.

¹⁷ Ukkoa tagva Reguelib erningit Esauib erningata: angajoᴋâᴋ Nagat, angajoᴋâᴋ Sera, angajoᴋâᴋ Sama, angajoᴋâᴋ Misa. Tâpkoangovut Reguelekut angajoᴋângit Edomib nunangane; Basmatib tâpkoa kinguvârivait Esauib nuliarijangata.

¹⁸ Ukkoalo tagva Oholibamab erningit Esauib nuliangata: angajoᴋâᴋ Jêguse, angajoᴋâᴋ Jagadla, angajoᴋâᴋ Kora. Tâpkoangovut Oholibamakut angajoᴋângit, Anab panningata, Esauib nuliangata (kinguvângita).

¹⁹ Tâpkoangovut Esauib kinguvângit, tâpkoangovullo angajoᴋângit. Tamadja Edome.

²⁰ Tamadja Seirib Horiterib erningit, nunab inungit: Lotan, Sobal, Sibeon, Ana, Dison, Eser, Disan.

²¹ Tâpkoangovut Seirib erningita Horiterit angajoᴋângit Edomib nunangane.

²² Lotanib ernerivak: Horilo Hemalo; Timnalo Lotanib najagivâ.

²³ Ukkoalo Sobalib ernerivait: Aluan, Managat, Ebal, Sefo, Onam.

²⁴ Sibeoniblo ernerivak: Ajalo Analo. Ana tâmnauvoᴋ puilavingmik ônartomik nagvârtoᴋ inuᴋangitome, atâtame Sibeonib siuterᴋortojoᴋotinginik mianersigame.

²⁵ Tamadja Anab ᴋitorngâgik: Disonelo Oholibamalo Anab panninga.

²⁶ Ukkoalo Disonib ernerivait: Hemdan, Esban, Jetran, Kêran.

²⁷ Ukkoa Eserib ernerivait: Bilhan, Savan, Akan.

²⁸ Ukkoa Disanib ernerivak: Us, Aranelo.

²⁹ Ukkoangovut Horiterit angajoᴋângit: Angajoᴋâᴋ Lotan, angajoᴋâᴋ Sobal, angajoᴋâᴋ Sibeon, angajoᴋâᴋ Ana,

³⁰ Angajoᴋâᴋ Dison, angajoᴋâᴋ Eser, angajoᴋâᴋ Disan. Tâpkoangovut Horiterit angajoᴋângit, Seirib nunangane angajoᴋaujut.

³¹ Tamadja attanît attaniojut Edomib nunangane, Israêlikut attaneᴋartinagit sulle:

³² Bela, Beorib erninga attaniovoᴋ Edomeme; iglugasaksoaᴋotingit Dinhabamik atteᴋarput.

³³ Bela toᴋungmat kingorngagut Joba attaniovoᴋ Serab erninga, Busramit pijoᴋ.

³⁴ Joba toᴋungmat kingorngagut Husa attaniovoᴋ, Temaniterit nunanganit pijoᴋ.

³⁵ Husa toᴋungmat kingorngagut Hadad attaniovoᴋ Bedadib erninga; tâpsoma Midianiterit sâlagivait Moabiterit naternangane, iglugasaksoaᴋotingillo Avitemik atteᴋarput.

³⁶ Hadad toᴋungmat kingorngagut Samla attaniovoᴋ, Masrekamit pijoᴋ.

³⁷ Samla toᴋungmat kingorngagut Saule attaniovoᴋ, Rehobotemit kôksoarmêtomit pijoᴋ.

³⁸ Saule toᴋungmat kingorngagut Baal-Hanan attaniovoᴋ Agborib erninga.

³⁹ Baal-Hanan Agborib erninga toᴋungmat kingorngagut Hadar attaniovoᴋ, iglugasaksoaᴋotingillo Pagumik atteᴋarput, nuliangalo Mehetabêlemik atteᴋarpoᴋ Matredib panninga Mesahabib panningata.

⁴⁰ Tamadja Esauekut angajoᴋângita attingit, ingmikut kinguvarêt, ingmikut nunaᴋatigêt ᴋanoᴋ atteᴋartut: angajoᴋâᴋ Timna, angajoᴋâᴋ Alua, angajoᴋâᴋ Jetet.

⁴¹ Angajoᴋâᴋ Oholibama, angajoᴋâᴋ Ela, angajoᴋâᴋ Pinon,

⁴² Angajoᴋâᴋ Kênase, angajoᴋâᴋ Teman, angajoᴋâᴋ Mibsar,

⁴³ Angajoᴋâᴋ Magdiel, angajoᴋâᴋ Iram. Tâpkoangovut Edomiterit angajoᴋângit, nunamingne pigijamingne ᴋanoᴋ nunaᴋartut. Esauelo Edomiterit atâtagivât.