Genesis 10 - Labrador Inuttitut Heritage Bible

Inôᴋatigêt aglaksimavingat.

¹ Tamadja Noab erningita Semiblo Hamiblo Jafetiblo kinguvângit, ᴋitorngaᴋalermatta ullitornivaksûb kingorngagut:

² Jafetib kinguvângit tagva: Gomer, Magog, Madai, Javan, Tubal, Meseg, Tiras.

³ Gomerib kinguvângit: Askenas, Rifat, Togarma.

⁴ Javanib kinguvângit: Elisa, Tarsis, Kittim, Dodanimelo.

⁵ Tâpkonangat nallojut ᴋikertangit inuᴋalerput nunaᴋarvingitigut ingmikut oᴋauselingnik, ingmikut ᴋitorngarênik.

⁶ Hamib kinguvângit tagva: Kus, Misraim, Put, Kânaan.

⁷ Kusib kinguvângit: Seba, Havila, Sapta, Râama, Sabteka. Râamab kinguvâgik: Seba, Dedan.

⁸ Kusiblo Nimrod ernerivâ. Tâmna pitsartujoᴋsôlerpoᴋ nuname.

⁹ Pitsujoᴋsôvlune Nâlekab takoane. Tamanna pivlugo oᴋartoᴋarsôngovoᴋ: pitsujoᴋsoaᴋ Nâlekab takoane Nimrodetut.

¹⁰ Nâlegauvingit sivorlît tagva: Babel, Ereglo, Akadlo, Kalnelo Sinearib nunangane.

¹¹ Tagvangat aularpoᴋ Assuremut, igluliorporlo Ninivemik, Rehobot-Iremiglo, Kalamiglo,

¹² Taimaktauᴋ Resenemik Niniviub Kalablo akorngangne: iglugasaksoarnik angidlartunik.

¹³ Misraimib kinguvângit: Ludît, Anamîllo, Leabîllo, Naftuhîllo.

¹⁴ Patrusîllo, Kasluhîllo (tâpkonangat Filisterit pivut) Kaftorîllo.

¹⁵ Kânaanib kinguvângit: Zidon angajukleᴋ, Hetelo,

¹⁶ Jebusiterillo Amoriterillo Girgasiterillo,

¹⁷ Heviterillo Arbiterillo Siniterillo,

¹⁸ Arvaditerillo Zemariterillo Hamatiterillo. Kingorngane ᴋitorngarêt Kânaanekut siamarput.

¹⁹ Kânaanekullo (nunangit) kigleᴋarput Zidonemit Gerar apᴋutigivlugo Gasamut; Sodomalo Gomorralo Adamalo Zeboimelo apᴋutigivlugit Lasamut.

²⁰ Tamadja Hamib kinguvângit ingmikut ᴋitorngarêt, ingmikut oᴋauselît, ingmikut nunalît, ingmikut inôᴋatigêt.

²¹ Semele, Eberib kinguvângita ilûnatik atâtangat, Jafetib angajua ᴋitorngaᴋarivoᴋ.

²² Semib kinguvângit tagva: Elam, Assur, Arpagsad, Lud, Aram.

²³ Aramib kinguvângit: Us, Hul, Geter, Mas.

²⁴ Arpagsadib Sala ernerivâ; Salab Eber ernerivâ.

²⁵ Eber erneᴋarpoᴋ maggungnik: aipa atteᴋarpoᴋ Pelegemik; nelliuningane nuna aviktaungmat; nukanga atteᴋarpoᴋ Joktanemik.

²⁶ Joktaniblo ernerivait Almodad, Salef, Hasarmavet, Jara,

²⁷ Hadoram, Usal, Dikela,

²⁸ Obal, Abimael, Seba,

²⁹ Ofir, Havila, Joba. Tâpkoa tamaita Joktanib ᴋitorngarivait.

³⁰ Nunaᴋarpullo Mesaremit Sefar, ᴋaᴋᴋaᴋ kangileᴋ tikidlugo.

³¹ Tamadja Semib kinguvângit, ingmikut ᴋitorngarêt, ingmikut oᴋauselît, ingmikut nunalît, ingmikut inôᴋatigêt.

³² Tapkoangovut Noab erningita kinguvângit ingmikut illagêt, ingmikut inôᴋatigêt. Tâpkonangat inuit siamarsimavut nuname ullitornivaksûb kingorngagut.