Filippimiunut 1 - Labrador Inuttitut Heritage Bible

Paulusib Rômame parngnanairsortaujub ᴋujalininganik tuksiarutjininganiglo. Ilinganinganik ᴋanoᴋ maksuaninganiglo. Kaiblaininganik, Filippimiuttauᴋ taimailerᴋovlugit.

¹ Pauluse Timôteuselo, Jêsusib Kristusib kivgâgik, ivjornaitunut tamainut Kristuse Jêsuseme Filippimêtunut, ajoᴋertuinerôjunullo (illagêllo) kivganginut.

² Gûdib Atâtapta, Nâlekablo Jêsusib Kristusib saimarsautingata ullapirsautingatalo illagilisetôᴋ!

³ Gûde ᴋujagivara ilûnâne erᴋaumajarangapse,

⁴ (Taimak pitsainartunga tuksiarnimne ilûnase pivluse, tuksiarnerlo ᴋuviasuklunga pivara)

⁵ Oᴋautsinut tussarnertunut illagêguteᴋarnise pivlugo, uvlormit sivorlerpâmit mâna tikidlugo.

⁶ Tamattomingalo sungertûteᴋarvikpunga, ajungituliamik pigialauᴋtub ilupsingne, tâpsoma nâmaksitiniarivâ Jêsusib Kristusib uvluksangata naliuniksanga tikidlugo.

⁷ Taimâk idluarmat, tamattominga issumaᴋariaᴋarpunga ilûnase pivluse, ômatimninapse ovane parngnanairsorsimanimne, akiornimnelo oᴋautsit tussarnertut kigligiutigilugit aulajungnangertinapkit, ilipse ilûnase saimarsauteᴋaᴋatigigapse.

⁸ Gûdib ila ᴋaujimavânga, ᴋanoᴋ ômamut angijomik ungagigapse tamapse, Jêsusib Kristusib nagligasungnersoangane.

⁹ Tamannalo tuksiarutigivara, naglingnise pigannerpaliavlunelo aglivaliarᴋovlugo sunatuinarnik illisimanermiglo tukkisinermiglo:

¹⁰ Kiglisiniarungnarᴋovluse suna ajunginerpaungmangât; nelâgôrᴋovluse, sinaungaᴋonaselo Kristusib uvluksangata naliuniksanga tikidlugo.

¹¹ Idluarnerub perortitanginik ilumertauluse, Jêsuse Kristusikut (ilupsingne) pijunik, Gûde nertortauᴋovlugo nakoridlartauᴋovlugolo.

¹² Nalojungnaitipapsele ᴋatangutikka naglingnartose, ilingatitaunera tamanna sunaubva oᴋautsit tussarnertut aglivaliajutigivât.

¹³ Imâk: ataniviksûb iglunganêtunut tamainut ᴋaujijaulerpoᴋ, ᴋelarutikka Kristuse pivlugo pingmatta;

¹⁴ Katangutillo Nâlekame unuktut ᴋelarutimnut tatiksarsivut, sivôranatik oᴋauseᴋ oᴋautigivlugo ilerasugatik.

¹⁵ Illangitale Kristuse oᴋâlatigivât ômisungnermut ᴋaningaumajarnermullo; illangitale issumaᴋaloringnermut.

¹⁶ Ipkoa Kristuse oᴋâlautigivât ᴋaningaumajârnermut nalagôrlugatiglo, ᴋelarutikka kappianartomik illajomavlugit issumaᴋaramik.

¹⁷ Ukkuale naglingnermut pivut, ᴋaujimagamik, oᴋautsit tussarnertut akiorutigivlugit ovanêtitaugama.

¹⁸ Kanorle tagvâ? Kristuse sunamullônêt oᴋautigijautuinarpat, ilungertunginermullônêt, ilungertornermullônêt, tamanna ᴋuviasûtigivara, ᴋuviasûtigijomavaralotauᴋ.

¹⁹ Nalunginama, tamanna piulijaujutiginiarapko tuksiarnipsingnut, Jêsusiblo Kristusib Anerningata ikajorninganut.

²⁰ Taimâk utakᴋivlunga ᴋilanâdlarlungalo neriukama, kangusuktitaunianginama sunalônêt pivlugo; (nerriukpungale) ilerasuktinanga, ilusiptut tamât mânatauᴋ aglât Kristuse angijomik timipkut nertortauniarmat, inôgumalônêt toᴋogumalômêt.

²¹ Kristuse inôgutigigapko, toᴋonerlo piksaᴋautigivara.

²² Uviningmele inôniarnera atornarnersaukpat: naliak tagva pijomanersarivlugo, uvanga nalovunga.

²³ Tamarmik ilungertûtigigapkik: kajungilârpunga avilunga tamângat, Kristuselo najoromavlugo; tamanna ila angijomik ajunginersaungmat;

²⁴ Uviningmêtuarnerale pijariaᴋarnersauvoᴋ ilipse pivluse.

²⁵ Tamattomingalo ᴋaujimavlunga nakimarningilanga, ilipsingnêniarama ilûnapsingne, pivaliatitaujutiksapsingnut, ᴋuviasûtiksapsingnullo okpernipsingne.

²⁶ Nertôtiksarsiluarᴋovluse Kristuse Jêsuseme uvanga pivlunga, uterniarnimnut ilipsingnut.

²⁷ Arvertaritsele Kristusib oᴋausingit tussarnertut malitsiarlugit; tikigumalônêt takoluse, apsimalungalônêt tussarᴋovlunga, sôngolernipsingnik atautseme anernerme, atautsemik tarneᴋarluse sorsugiaᴋatigilutalo okperneᴋ oᴋautsinut tussarnertutnut pivlugo.

²⁸ Koaᴋsângatailititselo akkerartortunut sunalônêt pivlugo; tamanna nalunaikutauvoᴋ pidlartaujomârmatta taipkoa, ilipsele piulijaujomârapse, tamadalo Gûdemit pivoᴋ.

²⁹ Kristuse pivlugo tunitjiviogapse, okpervigilugo kissianeungitoᴋ, kappiasuktitaujutigilugoletauᴋ.

³⁰ Uvaptut siorniorapse, sorlo tautulaurapsinga, sorlolo mâna tussaumagapsinga.