Ester 1 - Labrador Inuttitut Heritage Bible

Persiamiut atanningata nulliangata ajaktortauninga uiminut Ahasverosemut.

¹ Ahasverosib atanniolauktûb Indiamit Aetiopia tikkidlugo, nunanut 127ginut, nelliuningane pijoᴋalaukpok,

² Iksivavlune atannionime iksivautaksoangane, igloksoarme sôngojome iglugaseksoarnetome Susanemik atelingne,

³ Atanniotinime Jahringita pingajuane nerrimartitsivok Angajoᴋâᴋotiminut kivgaminullo ilûnainut, tagva pitsartunelingnut Persiame, Medenemelo, erᴋanarnerpânullo aulatsijunullo nunamine,

⁴ Takkojautitsijomavlune atanniônime akluininganik ânanaudlartomik, pijariaᴋôrtonimelo pinniarnarninganik pivianartoksoarmik, uvlut unuktut nâvlugit, tagva uvlut 180 git nâvlugit.

⁵ Uvlullo tapkoa nâlaungmatta, atannek nerrimârtitsivok inugiartoksoarnut, tammangnut angijunut mikkijunullo Susanemêtunut, iglugaseksoarne atanniub igloksoaᴋarvigijangine; uvlut 7 it nâlugit, avaluliorsimajome, perorsêvingmêtome, atanniub igloksoangata sennianêtome.

⁶ Tagvane nivingajoᴋalaukpok ᴋongeselitanik ᴋakᴋortanik, aupalluktaniglo, ᴋorgsutaniglo, aklunane ivaluksaijamit sennamajune, (aklunanelo) aupalloriktune, suvlolingne silbereojunik, siaᴋititaumajune nappajune ujaraujune Marmoremik atelingne. Iksivautat Goldeôlaukput, Silbereôlutiglo tungavikartut Marmoremik ᴋakᴋortamik, ᴋorgsutamiglo ᴋennertamiglo.

⁷ Immiksallo akjartaulaukput illulerkutine Goldeôjune, Assetartauᴋattartune, Weineᴋalaukporlo atannersiumik arklingnartomik, atanniojub illusia malliklugo.

⁸ Kinalo perᴋojaulaungilak sunamik immertuksaunerminik: atanniuble aulatsijut iglunganik perᴋolaukpait, ilûnatik attunît nâmagijamingnik pinniarungnartuksaungmatta.

⁹ Atanniublo nullianga, Vasthimik atelik nerrimartitsivoktauk arnanut, atanniub Ahasverosib atannioningata iglungane.

¹⁰ Uvlullo 7 ingane, atanniub ômatinga ᴋuviasudlalauktillugo Weinemut, perᴋovait Mehumane, Bistalo, Harbonalo, Bigtalo, Abagtalo, Setarlo, Karkaselo, aulatsiôjut 7 it, kivgartorlauktut atanniub sângane,

¹¹ Atanniub nullianga Vasthi ailugo atanniub sânganut Piᴋovlugit, niaᴋotelijartillugo atanniojub niaᴋotinganik; taipsoma ânanauninga takkojautitsomangmago inûᴋattigêksoarnut, angajoᴋâksoarnullo; takkoranidlalaungmat.

¹² Atannerle Vasthi ᴋunnulaukpok tikkilune atanniub Oᴋausingit aulatsijoᴋotimigut malliklugit. Tagva atannek ningadlalerpok, ᴋanningajarningalo ilungertudlalerlaukpok illumine.

¹³ Atanniublo ilisimajut nunab ilusinginik ᴋaujimajut Oᴋarvigivait (atanniub illinganingit ilûnaita Pinniartaujariaᴋalaungmatta, ilisimajut idluarnernik ilutsiniglo sângine;)

¹⁴ ᴋanninerpâllo tapsomunga tapkoangolaukput: Karsena, Setar, Admata, Tarsis, Meres, Marsena, Memuchanelo, Persiamiut Medenmiullo angajoᴋaunerôjungit 7 it, atanniub kênanganik takkonarlauktut, issukliovlutiglo iksivalauktut ataniovingme:

¹⁵ Sunamik idluarnek malliklugo, atannek Vasthi pinniarviojuksauva, pinniarlaungimat atanniub Ahasverosib perᴋojininganik aulatsijoᴋotimigut?

¹⁶ Tagva Memuchane oᴋarpok atanniub angajoᴋâvaksuillo Ilûnatik sângine: Atanniub nulliangata Vasthib atannek kissiat idluitullivigilaungila, angajoᴋaksuille ilûnaitatauk, inûᴋattigêksuillo ilûnaita atanniub Ahasverosib nunanginêtut.

¹⁷ Atanniub nulliangata pinniarninga tamanna tussartauniarmat nullianut ilûnainut, nachoᴋovlugit uimingnik ijimik sângine, oᴋarniarlutiglo: Atanniub Ahasverosib aipane Vasthi ᴋaikojauᴋolauralloarpa sâminut, ᴋaijomalaungilarle.

¹⁸ Taimaglo mânna angajoᴋâksuit Persiamêtut Medenemêtullo nulliangit oᴋarniarputtauk, atanniub Angajoᴋâᴋotinginut ilûnainut, atanniub aipangata pinniarninganik taimaitomik tussarniarunik; nachoneᴋadlarniarporlo ningarneᴋadlalarmelo.

¹⁹ Atanniub nâmagikpago, tagva perᴋojamik atannersiumik Annijoᴋarle tapsomangat, aglaktaujoᴋarlelo Persiamiut Medenmiullo malligaksangit tappagijaujuksaulungitut, malliklugit, Vasthi atanniub Ahasverosib sânganut tikkitsungnaikovlugo, atanniublo taipsoma atannioningata illinganinga tunniliuk, taipsoma inûᴋattinganut idluariᴋejanganut;

²⁰ Atanniub aglangit tapkoa, aglaktauniartut, Tussartitauᴋovlugit atanniovingane angijoksojome ilûnâne, nullit ilûnatik uimingnik naletsiarᴋovlugit, pijariaᴋôrtune pijariakitunelo.

²¹ Atanniublo angajoᴋâksuillo tamanna nâmagivât; atannerlo pinniarlaukpok Memuchanib oᴋausingit malliklugit.

²² Tagva aglait tillikliutijauvut atanniub Nunaᴋotinginut ilûnainut, nunallo ilûnatik attunît aglangit malliklugit, inûᴋattigêksuillo ilûnatik attunît oᴋausingit malliklugit, uit ilûnatik attunît angajoᴋaujuksaungmatta iglomingne; oᴋautigijaujuksaulermallo inûᴋattigêksuit attunît oᴋausingit malliklugit.