Esra 6 - Labrador Inuttitut Heritage Bible

Tempelib innertaulerninga, attortautainarningalo, Passablo attortauninga.

¹ Tagva attannek Dariuse perᴋojivok, ᴋennertoᴋaᴋovlugo attanniub aglaᴋotitalingane Babelemêtome.

² Tagva Ahmetame Medenemêtome igloksoarme aglait nachvartauvut, imâglo pijoᴋalauktomik aglaksimajoᴋalaukpok tapkonane:

³ Attanniub Koresib Jaringita sivurlingane attannek Kores perᴋojivok, Gudib iglunga Jerusaleme igluliorlugo, tunnergutiksat tunnijauviat, tungavialo illilugo, poktoninga tallitut 60 gitut, sannimutuningalo tallitut 60 gitut;

⁴ Sannerangnik pingasunik ujarᴋanit iktogriktunit, sanneraglo attausek ᴋejungmit; akkiliutiksallo tunnijaujuksauvut attanniub iglunganit.

⁵ Gudiblo iglungata illulerᴋutingit Goldeôjut Silbereôjullo Nebukadnezarib tigulauktangit Tempelemit Jerusalemêtomit, Babelemullo tikkiutilauktangit, tunnijaujuksaugivut uttertauᴋovlugit Tempelemut Jerusalemêtomut, innigilauktanganut Gudib iglungane.

⁶ Manna taimaimat igvit Tatnai aulateôjotit kôksub ungatâne, Star Bosnailo, illangillo Afarsachemiôjose kôksub ungatânetose ungasilersigik.

⁷ Sannalit Gudib iglunganik Judit nunangata aulatingata angajoᴋaunerôjungitalo Gudib iglunga igluliorlugo inningane piᴋovlugit.

⁸ Perᴋojaumavorlotauk uvamnut, sunamik pinniartuksaunipsingnik Judakut angajoᴋaunerôjunginut, tapkonunga Gudib iglunga igluliorlugo, imâgle, attanniub perᴋutinginit, akkiliaksanit kôksub ungatâne, angutit tapkoa akkiliutigijariaᴋartangit, tunnijautsiartuksauvut agviartauᴋonagit.

⁹ Pijariaᴋaraikpattalo angusalluârsungnik, saugârsungniglo, tunnergutiksanut ôtaksanut ᴋillaub Gudinganut, Weizenmiglo, sioraujamiglo, Weinemiglo orksumiglo, ajochertuijut Jerusalemêtut illusingit malliklugit; tagva tunnitsiviojuksauvut tamakkoninga uvlut tamaita pijariaᴋartanginik, tamannalo kâtuimauvlune piniartauᴋonnago;

¹⁰ Tunnergutinik tunnijiᴋovlugit ᴋillaub Gudingata naimatsiarninganut, tuksiutjiᴋovlugillo attanniub innosinganik, ᴋittornganginiglo.

¹¹ Uvamnit perᴋojak tamanna tunnijaumavok; innuit nalliat oᴋautsinik ukkuninga ablatsangortitsilerpat, tagva tapsoma iglunganit ikâtjet illangat tigujaujuksauvok nappartaujuksaulunelo, tamnalo nivingatilugo tapsomunga; iglungalo aksivingortitaule.

¹² Gudelo kujusimalauktok tagvane inneᴋaromavlune, toᴋᴋotsilerle attannernik innuᴋattigêksoarniglo tamainik, aggamingnik issaktunik Gudib iglunga Jerusalemêtok ablatsangortitsomavlugo serkomitsomavlugolonêt. Uvanga Dariuseôjunga tamanna perᴋolaukpara, illungertornermut piniartauᴋovlugo.

¹³ Tagva Tatnai nunab aulatinga kôksub ungatâne, Star Bosnailo, illangillo, tilliklerviomajut attannermut Dariusemut, taimailiorput illungertorlutik.

¹⁴ Judillo angajoᴋaunerôjungit igluliorput; sullitsiarlaukpullo nallautaijuk Haggaib, Sacharjablo Iddob erningata nallautainingitigut, igluliorput nappartilugolo, Israelib Gudingata perᴋojanga malliklugo, Koresiblo, Dariusiblo Arthasasthablo Persiamiut attanningita perᴋojangit malliklugit.

¹⁵ Innerpâllo iglo takkib Adaremik attiggub uvlungita pingajuane, tagva attanniub Dariusib attanniotiningata Jaringita pingasojoat.

¹⁶ Israeliblo ᴋittorngangita, ajochertuijut, Levitit parngnanairsortaumalauktullo ᴋittorngangita assingita Gudib iglungata attortautainarninga uvloksiorpât ᴋuviasuklutik;

¹⁷ Tunnijivullo tunnergutinut Gudib iglungata attortautainarninganut, tuktuvângnik angusallungnik 100 dinik, saugârsungniglo 200 dinik, tuktungajuniglo angusalungnik 400 dinik, tunnergutiksamullo ajortoêrutiksamut Israelitit illuêngârlutik pivlugit tuktungajunik angusallungnik 12 nik, Israelib kinguvarêngita unnurningit malliklugit.

¹⁸ Pitipaillo ajochertuijut inninginut, Levitillo ingmigolinganinginut, Gude Israelemêtok kivgartorlugo sorlo aglaksimangmat Mosesib aglangine.

¹⁹ ᴋittorngallo parngnanairsortaumalauktut Passamik attorput, taᴋᴋit sivorliub uvlungita 14 ingane.

²⁰ Ajochertuijut, Levitillo, sujungaitilaukput ingminik, illunatik ivsornaimatta angutut attautsetut sorlo; toᴋᴋotsilutiglo Passasiorutiksamik ᴋittorngat parngnanairsortaumajut illunatik pivlugit, ᴋattangutitiglo ajochertuijut pivlugit, pivlutiglo.

²¹ Israeliblo ᴋittorngangit parngnanairsimavingmit utterlauktut, illunatiglo apterlauktut nallojut ivsornarninginit tapkonunga, Nalegak Israelib Gudingat ᴋenneromavlugo, Passamik nerrivut,

²² Uvloksiorviglo ᴋaᴋᴋojanik sêrnaᴋangitunik attorpât uvlut 7 it nâvlugit ᴋuviasuklutik; Nalekab ᴋuviasuktilaungmagit, Assiriamiullo attanningata omattinga torartilaungmago tapkonunga, ikajorlugit sullijaksame Gudib Israelib Gudingata iglungane.