Esra 10 - Labrador Inuttitut Heritage Bible

Nullit nallojunit pijut aptertauvut Israelitinit.

¹ Esralo taimak tuksiartillugo, kigligiksarlunelo ᴋêavlunelo pamangatillugo Gudib iglungata sângane, kattimalerput tapsomunga Israelitinit illagêt unnuktoksuit, angutit arnallo, sorutsillo, innugasaksuit ᴋêavaksoadlarmatta.

² Tagva Sachanja Jehielib erninga Elamib erninginit, kiovok oᴋarlunelo Esramut: Unêt idluitullilaukpogut Gudiptingnut, takkorngartanik nullianilaurapta nunab innuᴋattigêksoanginit; Israelitille pivlugit nerriungneᴋarpok sulle tamanna pivlugo.

³ Tagva manna Gudivut angerᴋattigilavut, nullit takkorngartat illunaita, erniangomajullo tapkonangat, apterlugit piᴋovluta nalekama (Esrab) attannertuininga malliklugo, tapkoalo Gudib perᴋojanginik sivurajut (attannertuiningit) perᴋojat malliklugo pinniartauᴋovlugo.

⁴ Tagva makkilerit, igville pijoᴋartok tamanna pinniaraksarivat; uvagut illigijomavaptigit. Maksoalerit, pinniarlugolo.

⁵ Tagva Esra makkipok, tigusilunelo angermaringnermik ajochertuijut, Levitillo angajoᴋaunerôjunginit Israelitinillo illunainit, oᴋausek tamanna malliklugo pinniartuksaungmatta; angerpullo.

⁶ Esralo Gudib iglungata sânganit nûpok, itterlunelo Johananib Eliasib erningata inninganut; itteramelo tagvunga nerritailivok niaᴋojamik, immertaililunelo immermik, taipkoa parngnanairsortaumalauktut idluitulliningit sanikterijutigigamigit.

⁷ Akpautigijauᴋovâllo Judame illunane, Jerusalemelo ᴋittornganut parngnanairsortaumalauktunut illunainut, Jerusalemut kattimalerᴋovlugit.

⁸ Uvlullo pingasut kingorngane tikkiniangitub, angajoᴋaunerôjut, angajuklillo kachimioningat malliklugo, tapsoma perᴋotingit tamaita nungutaujuksaungmatta, tamnalo avitauniarajarmat illagênit parngnanairsortaumalauktunit.

⁹ Tagva illunatik Judakut Benjaminekullo angutingit kattilerput Jerusalemut uvlune pingasune, tagva taᴋᴋit 9 ingata uvlungita 20 ingane. Innugasaksuillo illunatik iksivavut apᴋosinerme Gudib iglungata sângane, sajuklutiglo pijoᴋartok tamana pivlugo, sillalungnerlo pivlugo.

¹⁰ Tagva Esra ajochertuijôjok, nikovipok, oᴋautilugillo: Idluitullilaukpose, takkorngartanik nullianilaurapse, taimaglo Israelitit passijaksauningat angijorortigapsiuk.

¹¹ Tagva manna Nalegak atâtagijapse Gudingat kigligiksarvigisiuk, pinniarluselo namagijanganik, apterluselo nunab innuᴋattigêksoanginit, nullinillo takkorngartanit.

¹² Tagva illagêktut illunamasiangit kiovut, oᴋarlutiglo nippeᴋortovlutik: Taimainiarle, sorlo oᴋalauravit.

¹³ Innugasaksuille unnuktôvut, sillalukporlo, ajornarlunelo sillametuinarlune, pinniarnerlo tamanna piniartaujungnanginivok uvlune maggungne pingasunelonêt; unnuktogapta tammarlauktogut idluitullinermut taimaitomut.

¹⁴ Angajoᴋavut illagêktune illunamasiangine perᴋolavut, illunatik takkorngârtunik nullianilauktut iglugasaksoaᴋotiptingne, nalliutune oᴋautigijaujune ᴋaiᴋovlugit, iglugasaksuillo attunit angajoᴋangit, idluarsaijungillo illautilugit, Gudib ningausingat illungertortok pijoᴋartok tamanna pitjutigellugo sangutitauᴋârtinago uvaptingnit.

¹⁵ Tagva Jonathan Asahelib erninga, Jehasjalo Tikwab erninga ᴋaiᴋojauvuk pijoᴋartut tapkoa pivlugit, Mesullamiblo Sabtaiblo Levitiojuk ikajorpâk.

¹⁶ ᴋittorngallo parngnanairsortaumalauktut taimailiorput. Ajochertuijublo Esrab atâtallo angajoᴋaunerôjut atâtagijamik iglungine, illunatiglo taijaumajut manna apterpait; ingipullo taᴋᴋit 10 ingata uvlungata sivurlingane, pijoᴋartut tapkoa nautsetoromavlugit;

¹⁷ Namaksivaillo angutit illunaita takkorngartanik nulliaᴋartut taᴋᴋit sivorlingata uvlungita sivurlingane.

¹⁸ Nachvartaulaukpullo ajochertuijut erningita akkorngane, takkorngartanik nullianilauktut imâk: Jesuab Jozadakib erningata erninginit, ᴋattangutinginillo: Maeseja Elieserelo, Jaribelo, Gedaljalo.

¹⁹ Tapkoalo aggatik tunnivait angerlutik nullit takkorngartat ajaktoromagamigit, atsilutiglo saukamik angusalungmik tunnergutiksamut ajortoêrutiksamut tammarnitik pivlugit.

²⁰ Imerib erninginit: Hanani, Sebadjalo.

²¹ Harimib erninginit: Maeseja, Elialo, Semajalo, Jehielo, Usialo.

²² Pashurib erninginit: Elioenai, Maesejalo, Ismaello, Nethaneelo, Josabadelo, Eleasalo.

²³ Levitinillo: Josabad, Simeilo, Kelajalo (Klitaovok), Petajalo, Judalo, Eliezerlo.

²⁴ Imgerpaktunit: Eliasibe; upkoanik udsertortunit: Sallume, Telemelo, Urilo.

²⁵ Israelitinillo, Pareob erninginit: Ramja, Jesialo, Malchajalo, Mejaminelo, Eliasarlo, Malchjalo, Benajalo.

²⁶ Elamib erninginit: Mathanja, Sacharjalo, Jehielo, Abdillo, Jeremotelo, Elialo.

²⁷ Satub erninginit: Elioenai, Eliasibelo, Mathanjalo, Jeremotelo, Sabadelo, Asisalo.

²⁸ Bebaib erninginit: Johanan, Hananjalo, Sabailo, Atlailo.

²⁹ Banib erninginit: Mesullame, Malluchelo, Adajalo, Jasubelo, Seallo, Jaramotelo;

³⁰ Pahat Moabib erninginit: Adna, Kelallo, Benajalo, Maesejalo, Matanjalo, Bezaleelo, Benunillo, Manasselo.

³¹ Harimib ᴋittornganginit: Elieser, Jesialo, Malchalo, Semajalo, Simeonelo.

³² Benjaminelo, Maluchelo, Semarjalo;

³³ Hasumib erninginit: Matnai, Matata, Sabade, Elifeletelo, Jeremailo, Manasselo, Semailo.

³⁴ Banib erninginit: Maedai, Amramelo, Huello,

³⁵ Benajalo, Bedjalo, Keluilo,

³⁶ Najalo, Meremotelo, Eliasibelo,

³⁷ Matanjalo, Matnaillo, Jaesanelo,

³⁸ Benilo, Bennuilo, Simeilo,

³⁹ Selemjalo, Nathanelo, Adajalo,

⁴⁰ Machnadbaillo, Sasailo, Sarailo,

⁴¹ Asareello, Selemjalo, Samarjalo,

⁴² Sallumelo, Amarjalo, Josefelo.

⁴³ Nebob erninginit: Jejel, Matitjalo, Sabadelo, Sebinelo, Jaddailo, Joelo, Banajalo.

⁴⁴ Tapkoa illunatik nullianilaukput takkorngârtanik; nullillo tapkoa illangit, nutaᴋᴋanik ernilaukput.