Esra 1 - Labrador Inuttitut Heritage Bible

Koresib Persiamiut attanningata perᴋojininga Judit kippalutjarsimavlutik utterungnarmatta, Tempeliorungnarmattalo.

¹ Koresib Persiamiut attanningata Jaringita sivurlingane, nallautsilerᴋovlugit Nalekab oᴋausingit, oᴋauserilauktangit Jeremiab ᴋanningagut, Nalekab Koresib Persiamiut attanningata annerninga tuppaksarpa, akpautigijauᴋojiᴋovlugo attanniovingmine illunane, aglaktigullotauk, oᴋarᴋojilunelo:

² Imâk Korese Persiamiut attanningat oᴋarpok: Nalekab ᴋillaub Gudingata tunnitsivigilaukpânga attanniovingnik tamainik nunane, perᴋolaukpângalo, iglomik igluliorlugo Jerusaleme Judame.

³ Kina mana akkunapsingne tapsoma innuᴋotinginut illingajok, tamna Nalekab Gudingata aipariliuk, takpaungarlunelo Jerusalemut Judamêtomut, igloliorlunelo Nalekab Israelib Gudingata iglunganik. Gudeôvok tamna Jerusalemêtok.

⁴ Amiakojorlo sulle innine tamaine tujormiangovingine, tamna inningata innungita ikajorlitsuk, Silberemut, Goldemullo, perᴋutinullo, nergjutinullo, tunnergutit ᴋunnutuinermut tunnijaulertut Gudib iglunganut Jerusalemêtomut, tappilugit.

⁵ Tagva angajoᴋaunerôjut atâtanit Judakunit, Benjaminekunillo, ajochertuijullo, Levitillo, illunatik annernermigut tuppaksartaujut Gudemut, parngnailerput takpaungaromavlutik, igloliorlugolo Nalekab igluksanga Jerusaleme.

⁶ Illunatiglo avatinginêtut ikajorpait, illulerᴋutinut Silbereôjunut, Goldeôjunullo, perᴋutinullo, nergjutinullo, pivianartunullo, tunnergutingit pijarellutik tappilugit.

⁷ Attanniublo Koresib Nalekab iglungata illulerᴋutingit annipait Nebukadnezarib tigulauktangit Jerusalemit, Gudimelo iglunganut pitilauktangit.

⁸ Koresible Persiamiut attanningata annipait Mitredatekut pimaklerteôjokut perᴋutinik, kittitautipaillo Sesbazaremut Judakut angajoᴋanganut.

⁹ Tamadsa unnurningit: Pogutat Goldeôjut 30 git, pogutallo Silbereôjut 1,000 dit, sâvillo 20 git.

¹⁰ Ermgusiarsuillo 30 git, ermgusiarsuillo assingit Silbereôjut 410 ôlaukput.

¹¹ Illulerkutit illunatik Goldeôjut, Silbereôjullo 5,400 diôlaukput. Sesbazarib tapkoa illunaita takpaungautipait tapkoa illagillugit parngnanairsimavingmit Babelemit takpaungartut Jerusalemut.