Ebrêerinut 6 - Labrador Inuttitut Heritage Bible

Okpernermit katangnerub nangianarninganik. Okpernerme soᴋᴋosijuiᴋojaunermik.

¹ Tamanna pivlugo Kristusib ajoᴋertûsingita pigiarningat pijungnairlugo, sivumuaromavluta inneriartoromavogut tunganilêjomanata ama sâgiarnermik piniarnernit toᴋonartunit, okpernermiglo Gûdemut.

² Ajoᴋertûtsemiglo baptijut pivlugo, patingmijaunermiglo aggangnut, toᴋungajuniglo makkitsomârtunik, pidlartaujomârnermiglo issoᴋangitomut.

³ Taimailioromavogullo, Gûde perᴋojikpat.

⁴ (Ila) ᴋaumarsartaumalertut, tunergutiniglo ᴋilangmit pijunik ôksimajut, Anernermiglo ajunginermik illangiutititaumajut,

⁵ Gûdiblo oᴋausinganik ajungitomik ôksimalauᴋtut silaᴋsûblo pijomârtub pitsartuninginik,

⁶ (Taimaitut) kiglormut (sâlutik) katakunik, ama Gûdib Erninga ingmingne seningajolingmut kikiaktorunitsuk, mitautigivlugolo, ama nutângortitauningat sâgiarnermut ajornavingmat.

⁷ Nuna miluartoᴋ silalungmik katagvigiᴋattartiminik, tâpsominga senajut piksarsiorlugit perorsianik idluartunik, saimaudjaulârmat Gûdemut;

⁸ Nunale ukpiganik kakilautilingnik perornerluktuniglo kakilarnartunik perortoᴋarune, piutsangilaᴋ ôminarnerartaunermut ᴋanipoᴋ, ikoâlajuksaujomârtoᴋ naggatiksame.

⁹ Ilipsele naglingnartose ajunginersamik sungertûtigivapse, piulijauniarnermiglo pinasuarnersaunasugivluse, taimak oᴋâlagalloartogut.

¹⁰ Gûde idluitôngimat, puigorniarlugit piniarnise senaniselo naglingnermut, tâpsoma attingane pijase, ivjornaitut kivgartulaurapsigik, sullelo kivgartorapsigik.

¹¹ Tamattomingale ataruilerᴋovapse ilûnase atunit, nerriugijaksaᴋ ᴋolarutigijungnairlugo naggatânut.

¹² Erᴋeasungniarᴋonase, malikteolerᴋovluse kingormgujijuksanik angerutigijaumajomik, okpernermut ᴋenuersârnermullo.

¹³ Gûdible Abraha angervigilauramiuk, assiminik anginersamik taijaksaᴋanginame, nangminerminik taisivoᴋ,

¹⁴ Oᴋarporlo: ahamarik ila, saimauseromavagit kinguvâksatillo unuksivalliatitsomavakka.

¹⁵ Taimak tagva ᴋenuêlune nerriukpoᴋ, angerutigijaumajorlo pivâ.

¹⁶ Inuit angermarisôngogalloarput angerᴋejatik taiᴋassiutivlugo, taimaitomut okpernarsivlutik sorairtipait akkerartortut.

¹⁷ Gûdib tagva, angerutigijaumajomik kingorngujijuksat issumame soᴋᴋoserniangininganik ᴋaujimaviktitsomagamigit, angermaringneᴋ illautipâ,

¹⁸ Maggungnut soᴋᴋosijuitungnut (Gûde saglovlune ajornavingmat) sôngojomik manigorutiksaᴋarᴋovluta, uvagut ᴋilanârtogut nerriugijaksaᴋ perᴋojaumajoᴋ uvaptingnut atavigênarlugo;

¹⁹ Tamanna tarnipta kissangat sôngovlune ᴋolarnangitoᴋ, upkoᴋsûb ungatânut aglât pijoᴋ;

²⁰ Taᴋamunga sivorlertoᴋ Jêsuse pivluta itersimavoᴋ, Melᴋisêdeub ilinganingatut ajoᴋertuinerôtitaujoᴋ issoᴋangitomut.