Ebrêerinut 11 - Labrador Inuttitut Heritage Bible

Okpernilingnik igjaraksaujunik.

¹ Okpernerle tunganartomik tatteᴋarniovoᴋ nerriugijaksanik, ᴋolanginiolarmelo takuksaungitunik.

² Tâpsomûna sivorlît (nertornartomik) kigligiutigijauvut.

³ Okpernermut illitarsivogut, silaᴋsoaᴋ Gûdib oᴋausinganut pingortisimangmat; takuksaujut tamaita pingortitaumangmatta sunaungitomit.

⁴ Okpernermut Abele tunijivoᴋ tunergumik ajunginersamik Kainemit; ômangat idluarlune kigligiutauvoᴋ, Gûde tunerguserninganik kigligiutjingmat; tamattomûnalo sulle oᴋâlavoᴋ, toᴋungagalloardlune.

⁵ Okpernermut Enog aularudjauvoᴋ, toᴋo takonago, nenijaunanelo, Gûdib aularutingmago; aularutjauᴋârtinago kigligiutaungmat, Gûdemut ᴋuviagijaungmat.

⁶ Okperneᴋangitunele Gûdemut ᴋuviagijauneᴋ ajornavikpoᴋ; Gûdemut tikitsomajoᴋ Gûdeᴋartomik okpertuksauvoᴋ, ᴋenertiminut akkiniarteojomik.

⁷ Okpernermut Noa, Gûdemut oᴋautjaugame sulle takuksaungitunik, Gûde naipertorlugo umiaᴋsoarmik senavoᴋ, illame piulijauviksanganik; tamattomunga silaᴋsûb inungit erᴋartorpait kingormgutilerlugolo idluarsineᴋ, okpernermit pijoᴋ.

⁸ Okpernermut Abraha nâlelauᴋpoᴋ nunamut kingormgutijaksariniartaminut aularᴋojaulerame: aularpoᴋ namut ainermik nelogalloardlune.

⁹ Okpernermut tujormiangolauᴋpoᴋ nuname angerutaumajome, pijaksaringitamine sorlo; tupênaᴋarlune Isaarlo Jâkolo illagivlugik, kingormgujeᴋataujûk angerutigijaumajomik tamattominga.

¹⁰ Neriukame iglugasaksoarnik, tunganilimajunik, senajingat pingortitingallo tagva Gûde.

¹¹ Okpernermut Saratauᴋ pitsartutitaulerpoᴋ singailerdlune, ernivlunelo erniviksanga anigorsimajarêralloartilugo, okpernartônasugigamiuk tamattominga angilauᴋtoᴋ.

¹² Taimaimattauᴋ timemit atausênarmit toᴋungakasaktomik unuktoᴋsuit erniangovut, sorlo uvloritjatitut ᴋilangmêtutitut, siorᴋatitullo imab kiglinganêtutitut kitiksaungitutitut.

¹³ Okperlutik taipkoa ilûnatik toᴋovut, angerutigijaumajut piginagit; ungasiktomille takolauᴋpait ᴋolarnagillo ᴋuviasûtigivlugillo; kigligiksarputtauᴋ tujormiangonermingnik takorngartaunermingniglo nuname.

¹⁴ Taimaitomik oᴋartut nelonailivut, nunagimaringniartamingnik nunaksarsioramik.

¹⁵ Ila, ᴋemaktatik issumagilaurunitsuk, piviksaᴋarajalauᴋput uterungnarlutik.

¹⁶ Tâmnale pinago kipilerput ajunginersamik, tagva ᴋilangmêtomik. Tamanna pivlugo Gûdib kangusûtigingilait Gûdinganik taijauvlune; iglogasaksoarnik âᴋiksoilaurame taipkonunga.

¹⁷ Okpernermut Abraha tunerguserpoᴋ Isaarmik ôktortaulerame; ernetuarlo tunivâ angerviomagalloardlune,

¹⁸ Oᴋautigijaujoᴋ imâk: Kinguvâksarnik taijaᴋ Isaarmit pijonârpoᴋ.

¹⁹ Issumavlunelo: Gûde tupaktitsijungnarivoᴋ toᴋungajunit; tamanna pivlugo adsigêgutiksarilugo ama tigulerivâ.

²⁰ Okpernermut neliutuksat pivlugit Isaab Jakolo Esauelo saimauserpak.

²¹ Okpernermut Jakob saimauserpak Jôsefib ernîgik, ajaupiame nuvua puvigilugo.

²² Okpernermut Jôsefe toᴋolerame oᴋautjivoᴋ Israêlib ᴋitorngangita aularviksaᴋaromârninganik, perᴋojivlunelo saunine pivlugit.

²³ Okpernermut Môsese erniangomangmat, taᴋᴋinik pingasunik ijerartoangolerpoᴋ angajoᴋângminut, takoleramikko innerᴋonadlartoᴋ nutaraᴋ; ataniviksûb perᴋojanga sivôraginago.

²⁴ Okpernermut Môsese, inumariolerame, Faraub paningata erninganik taijaujomairpoᴋ.

²⁵ Gûdib inuᴋotingit siornioᴋatigijomavlugit anerosungnersauvoᴋ ajornerub allianarninganit anigorsârtomit.

²⁶ Mitautaunerlo Kristuse pivlugo akluijutaunasugiluarpâ Egiptenib perᴋutivaksoanginit: akkiksaᴋ issumagigamiuk.

²⁷ Okpernermut Egiptene ᴋemakpâ, ataniviksûb ningarninga sivôraginago; takuksaungitoᴋ atavigigamiuk, tautuklugo sorlo.

²⁸ Okpernermut aularviksiorlunelo aungmik kovisiviksiorpoᴋ, erniangoᴋârtunik toᴋotsijomut aktortauᴋonagit.

²⁹ Okpernermut taipkoa imarbik aupaluktaᴋ apᴋotigivât, sorlo nunakut panertokut ingergavlutik; Egiptenemiuttauᴋ ôktorpât, ipidlarlutiglo.

³⁰ Okpernermut Jeriᴋub avaloᴋsoangit ochovut, uvlut 7 it kaivallaklugit pisugvigerᴋârmagit.

³¹ Okpernermut Rahabe anguniarpaktoᴋ nungutaulaungilaᴋ okpingitut illagilugit, nautsertortuksak illanâᴋarlune illalioramigik.

³² Sumiglo sulle oᴋariaᴋarᴋîk? Anertuluadlarajarpoᴋ, Gideonelo, Barakelo, Simsonelo, Jeftalo, Dâvidelo, Samuelelo, nelautaijullo unipkautiginajarupkit.

³³ Taipkoa okpernermut sâlaᴋalauᴋput ataniovingnik; idluarsailauᴋput, angervionermik pititaulauᴋput, Loevillo ᴋaniâlungit similauᴋpait,

³⁴ Ikomab pitsartuninga ᴋamipât, saviksûb ipingninga ᴋemâmavât, sangênermingnit nakoᴋsititauvut, sorsugiartornermingne pitsartutitauvut, takorngartat sorsuktoᴋutsoangit ochotidlalauᴋpait.

³⁵ Arnat toᴋungajiatik ama tiguvait ômartitaujut; assingille annaudlarauvut, (toᴋomit) piulijauniksarsioratik, makiviksaᴋ ajunginersaᴋ tikitsomagamitsuk.

³⁶ Illangit mitautaudlalauᴋput nerᴋersortidlarauvlutiglo, ᴋelaksugauvlutiglo, parngnanairutjaumavlutiglo.

³⁷ Ujarᴋanut millortauvut, ullimâdlartauvut, kapijaudlarput, saviksoarmut toᴋotauvut; arvertalauᴋput saukallo tuktuvaillo aminginik annorâᴋarlutik, saksâdlarlutik, kiksarnartomik atorlutik, kappiasuktitaularmiglo;

³⁸ Silaᴋsûb inungita nelopᴋotijutigijaksarilauᴋtangit, arvertalauᴋput siorniorlutik inuᴋajuitune ᴋaᴋᴋanelo, nunablo ᴋongnângine ᴋairosunginelo.

³⁹ Tâpkoa ilûnatik okpernermik kigligiutauvut, angerutigijaumajoᴋ piginago.

⁴⁰ Gûdib ajunginersamik issumasimavigingmatigut sivorngagut, taipkoa nâmaksititauᴋonagit uvagut illautinata.