Deuteronomy 32 - Labrador Inuttitut Heritage Bible

¹ ᴋilait ilipse okoᴋse, oᴋaromavungalo; nunalo tusarle ᴋanerma oᴋauserijanginik;

² Ajuᴋertusera kussiniarpok silaluktut, oᴋausikka siamalârput misuksoatut; minitut iviksukane nutaijortune, suarutaᴋtullo perortune;

³ Nâlekab atinga oᴋâlautigijomagapko; Gûdivut nâlengnartomik oᴋautigisiuk.

⁴ Kairtôvok, suliangit ᴋaᴋiarnangimarikput; apᴋotingit ilûnatik idluartôvut; Gûdeovok nelâgôrtok idluineᴋatsangitorlo, idluartôvok nertornarlunelo.

⁵ Tâpkoa asseroivut ilagêngnermik tâpsomunga, ᴋitorngaulungilat tâpsomunga, ingmingnut kangusutiksauvut; kinguvângovut mumiksimajut kiglormôrtullo.

⁶ Nâlegak taimak akkiniarᴋisiûk, ilipse inôjose silaitose ilisimaneᴋangitoselô? Tâmna atâtagingipisiûk pisiarijît? Pingortipâtit tungatilutillo.

⁷ Uvlut itsarnitat erᴋaumalersigik; kinguvârêt tuglerêt unuktut inôvigijangit issumaksarsiorutigisigik; atâtait apertsoruk, tâpsoma nelonaijaiviginiarpâtit; angajoᴋâtillo, tâpkoa oᴋautiniarpâtit.

⁸ Kotsingnerpângojûb inôᴋatigêksuit tunitjivigilaungmagit kingormgutijaksamingnik, inuit ᴋitorngangit aviutitilaungmagit, inôᴋatigêt kiglingit âᴋiksorpait, Israêlib ᴋitorngangita unurningit issumagilugit.

⁹ Nâlekab inuᴋotine perᴋutigivait; Jako kingormgutijaksarsiarivâ.

¹⁰ Naipipâ nuname sunaᴋajuitome, inuᴋangitome sunataᴋangitome ᴋeaksulingme; iluvâ, pairivâ, serngnigivâ ijime takonârtingatut;

¹¹ Sorlo nektoraliublune saputingmagit, piarᴋame ᴋolâne auᴋsârdlune, esarᴋone issivipait, tiguvait, nangmarlugillo esarᴋumine:

¹² Nâlekab kissime tesiorpâ, tâpsomane Gûdeᴋangilak takorngartamik.

¹³ Nunab ᴋakᴋangitigut ᴋemuksertipâ, nerrivorlo perorsêviub perorsianginik; miluksitipâ igupsaujârtut orᴋsuanik ᴋairtomit, orᴋsumiglo ujarᴋamit sitijomit;

¹⁴ Tuktuvait imungata orᴋsuanik, saugârsuillo imuanik, saugârsuillo tunnuanik, angusâlunginiglo Bâsanemit, tuktungajuniglo, senaugaksaniglo pionerpânik, vainetorpotillo vaineliksat iptinginik.

¹⁵ Israêlele ᴋoinivok, tukarniklunelo; ᴋoinivotit, siliksivotit, uvineᴋadlarpotit; Gûdelo pingortitine ᴋemakpâ, ᴋairtorlo piulijauviksane naggogivâ.

¹⁶ Gûdenut takorngartanut ilungertortipât, maᴋojungnartulinermut ningarsarpât.

¹⁷ Tunerguserput tornganut, Gûdeungitunut; Gûdinut ilitarnangitunut, Gûdinut nutânut, mânaᴋamernitanut, atâtagijapse sivôragilaungitanginut.

¹⁸ ᴋairtok inûlertitsilauᴋtok ilingnik kamagijungnairpat, Gûdelo inungortitsijok ilingnik puigorpat.

¹⁹ Nâlekablo takolauᴋpâ tamanna, maᴋojugilugolo, erningita paningitalo naggosartautigigamigit.

²⁰ Oᴋarporlo: Kênara ijertoromavara tâpkonangat, takolârpunga ᴋanoelingajomik naggateᴋarmangâta; kinguvângoᴋatigêngongmatta tunganaitut, ᴋitorngaujut okperneᴋangitut.

²¹ Ilungertortipânga Gûdeungitunut, ningarsarpânga piungituliarijamingnut: uvangalo ilungertortitsomavakka inungnut inôᴋatigêtsiangolungitunut, ningarsaromavakka inôᴋatigêksoarnut silaitunut.

²² Ikoma ikoâlamat ningarnimne, ikomavok itersak allerpâk tikidlugo, nunalo perortungillo mungulerpait, ᴋakᴋallo tungavingit ikipait.

²³ Pilungnerit ᴋalerêktitsomavakka tâpkonunga; ᴋargjukka nungulârpakka tâpkonunga;

²⁴ Kângmut uvinêrutilârput, nungulârpullo ôlingnartomut nusilingnartomullo piungitomut; nergjutit kigutinginik tiliklilârpunga tâpkonunga, ilaᴋartilugit sanningne pâmgortunik toᴋonartunik.

²⁵ Silame saviksûb ilangervigilârpait, iglunginelo kapiasungnerub; pêjailârput nukapianik niviarsianiglo, amâmaktunik ᴋêrtojuniglo.

²⁶ Oᴋalauᴋpunga ungasiktomut siamangatitsomagapkit, erᴋaumajaujungnaititsomagapkit inuit akorngane;

²⁷ Omisuktit ningarosuktitaugiangit ilimagigapkit keta, ômigijingit issumertuilutik oᴋarajarput: Aggavut sulidlarput, Nâlekablo tamakkoa tamaita piniangilait.

²⁸ Inôᴋatigêkoangongmatta silatuneᴋangitut, ilisimaneᴋangilak tâpkonane.

²⁹ Attauk taima silatuneᴋarlit, ipaksilit tamattominga, naggatiksamingnik issumaksarsiorlit!

³⁰ ᴋanok atautsib tausendit aijalingniarᴋagît, magguglo ten tausendit ᴋemâtilugît? Imaᴋa Kairtungata aulailauᴋpait, Nâlekablo tunilugit sapkopait.

³¹ Tâpkoa ᴋairtungat ᴋairtuptitut ingilak, ômigijivut taimak issumaᴋarput.

³² Tâpkoa napârtungat vaineliksak Sodomab vaineliksanganit pivok, Gomorablo perorsêvinginit; vainiksangit sungaktut-iput, paungangit ᴋasilinarput;

³³ Vainingat tagva ᴋuglugiaksoangojârtûb, toᴋonartua, ᴋuglugiarâlûblo ᴋêsuktoksôjûb toᴋonartua.

³⁴ Tamanna torᴋortaungilaᴋ uvamne, naᴋitersimangilârlo ᴋematulivimnê?

³⁵ Akkiniarneᴋ uvanga pigijara, uvanga akkiniaromavunga, itigangita siargitarningat neliutikpat; uvloᴋ kapiasugvingat ᴋanitôngmat, tikituksallo tâpkonunga aggervigijarêrpait.

³⁶ Nâlekab inuᴋotine erᴋartoromârmagit kivgaᴋotinelo nâpkigilugit; takogame pitsartuerutingmatta, simnikoᴋarungnairmat ᴋomergutaujomiglônêt atuinaujomiglônêt.

³⁷ Oᴋaromârporlo: Gûdeᴋotingit naneᴋât, ᴋairtok unneᴋsiorvigijangât;

³⁸ Nerrijut tunergutingita toᴋotaujut tunnuanik, imertullo tunergutingita imiksat vaininganîk? Tâpkoa makitarlit ikarjorluselo, tâpkoa serngnigilise.

³⁹ Missigileritsele mâna uvanga kissima tâmnaugama, senimnelo Gûdeᴋangilak; uvanga toᴋotsivunga, ômartitsilungalo; ikilelauᴋpunga, inûliklerpungalo; piuliklertokarungnangilarlo aggamnit.

⁴⁰ Aggakka isâkpakka ᴋilangmut oᴋarlungalo: Sorlo issoᴋangitomut inôtsainarama,

⁴¹ Saviksoara ᴋeblertok kênarsarupko, aggamalo erᴋartuinek tigumiarpatsuk, ômigijikka akkiniaromârpakka, uvamniglo ômisuktut pidlaromârpakka.

⁴² Kargjukka aungmut tallatitsomârpakka, saviksoaralo nerrijuksauvok uviningmik; toᴋotat tigujallo aunginut, ômisuktillo angajoᴋângita niaᴋunginit.

⁴³ Erᴋiertoritse, inôᴋatigêngojose, inuᴋotigijangit; kivgame aungat akkiniarutigijomârmago, ômigijinelo akkiniaromârpait, nunanelo, inuᴋotigijane, ulapirᴋsaromârpait.

⁴⁴ Moseselo sivupiartorpok imgerutsiblo oma oᴋausertangit tamaita oᴋâlautigivait inuit tusartilugit, tâmna Josualo Nunib erninga.

⁴⁵ Mosesiblo oᴋautsit tamakkoa tamaita oᴋâlautigijarêramigit Israêlekunut tamainut,

⁴⁶ Oᴋautivait: Oᴋautsit tamaita kigligiutigijakka ilipsingnut uvlome ômamiutarisigik; ᴋitorngaselo kamatsiarᴋolârpase piniarᴋovlugit perᴋojat makkoa oᴋauserijanginik tamainik.

⁴⁷ Tamanna ilipsingnut sulingitôtsangimat, inôgutigigapsiuk, tamattomûnalo uvluse nuname aivigijase, Jordane ikârdlugo, pigijomavlugo, unuksitilârapsigik.

⁴⁸ Uvlormelo tâpsomanetsainak Nâlekab Mosese oᴋarvigivâ, oᴋarlune:

⁴⁹ Majorarit Abarimib ᴋakᴋanginut ukkununga, ᴋakᴋamut Nebomut, Moabib nunanganêtomut, Jerikub akianêtomut; nunalo Kanaan perᴋutautitsomajara Israêlib ᴋitornganginut ulernairtorlugo;

⁵⁰ Toᴋolerillo ᴋakᴋame majorarvigijarne, ilaliutijaulerillo inôᴋatigijarnut; sorlo angajuit Aron toᴋolaungmat ᴋakᴋame Hôreme, ilaliutjauvlune inôᴋatigijaminut;

⁵¹ Israêlekut akorngane tapagilauraptinga Meribab imangine Kâdeseme, sunaᴋajuitome Zineme; ivsornaitilaunginaptingalo Israêlekut akorngane.

⁵² Nuna sângnêtok ulernairtoraksarigangne; tagvungartuksaungilatille nunamut tunijomajamnut Israêlekunut.