Deuteronomy 17 - Labrador Inuttitut Heritage Bible

¹ Tuktuvangmik saugarmiglônêt ᴋanoetolingmik, ajortotaᴋartomiglônêt sunamik, tunergusertuksaungilatit Nâlekamut Gûdingnut; taimaitok maᴋojungnarmat Nâlekamut Gûdingnut.

² Akunerne itertarvikpît Nâlekab Gûdivît tunijangata ilingnut iliangane, angullônêt arnarlônêt idluitulijok Nâlekab Gûdivît takkoane naipitaukpat, tâpsoma angerutigijanga tapagilugo,

³ Kivgartoriartorlutik Gûdib assinginik, pâmaktervigilugillo, seᴋinermiglônêt, takᴋermiglônêt, ᴋilaublônêt katimgajoksôningita ilanganik, perᴋojijutigilungitamnik;

⁴ Aᴋpautaukpallo ilingnut, igvillo tusarungne, tagva nautsertutsiaraksarivat, ahâglo, mikseᴋârtôkpat nelautsikpallo maᴋojungnartok taimaitok piniarutaungmat Israêleme;

⁵ Tagva angut tâmna arnarlônêt tâmna ajortomik tamattominga piniartok anititaksarivat itertarvingnut, angutaukpallônêt arnaukpallônêt, ujarᴋanullo miloraksarivat, toᴋodlugo.

⁶ Kigligiutjijut maggûk pingasullônêt oᴋausingit maliklugit toᴋotaksa toᴋotaujuksauvok; kigligiutjijûb atautsib oᴋausingit maliklugit toᴋotaujuksaungilak.

⁷ Kigligiutjijut aggangit sivorlerpaujuksauvut tâpsomunga isaklutik toᴋotsomavlugo, kingornganelo inuit ilûnatik aggangit. Taimaglo idluitok pêrniarpat akunernit.

⁸ Pitjutiksakarpat oᴋumaigiluartarnik idluarsainerme, auk aungmik akkeᴋartuksaumangât, akiorutinerlo pivlugo, pigiarosûtinerlo pivlugo akkerartutiniotilugo itertarvingne, tagva makituksauvotit ailutillo inemut Nâlekab Gûdivît annerijanganut;

⁹ Ajuᴋertuijullo Levikut idluarsaijorlo tagvanêtok uvlune tâpkonane aivigilugit apertsoraksarivatit, tâpkoalo idluarsaijut nelonairomârpât ilingnut;

¹⁰ Taimailiortuksauvotillo, sorlo tâpkoa nelonaijaivigingmatit ineme Nâlekab annerijangane; kamatsiartuksauvotillo piniarᴋovlutit tâpkoa ajuᴋertusingit tamaita maliklugit;

¹¹ Perᴋojab tukkigijanga tâpkoa ajuᴋertûtigijangat ilingnik maliklugo, idluarsaijullo tâpkoa oᴋautigijangat ilingnut maliklugo, piniartuksauvotit; oᴋausek ilingnut nelonairutigijangata talerpiata tungânut saumiatalônêt tungânut unioraksarilungilat.

¹² Inugle iktoriktaivlune piniartok, ajuᴋertuijok tagvane nangertok kivgartorniarlune Nâlekab Gûdivît sângane, idluarsaijorlônêt nâlegomanago, inuk tâmna toᴋojuksauvok; taimaglo idluitut pêjaraksauvut Israêlemit.

¹³ Inuillo ilûnatik tusartuksauvut sivôralutiglo, iktoriktailutik piniarᴋonagit.

¹⁴ Tikisimagupse nunamut Nâlekab Gûdivît tunijomajanganut ilingnut, pigigungnelo nunagilugolo; oᴋaruvillo: Atanermik nâlegaksarijamnik ilijijomavunga, sorlo inôᴋatigêksuit ilûnatik avatimnêtut piᴋarmatta;

¹⁵ Tagva Nâlekab Gûdivît annerijanga ilingnut ataningortitaksarivat; ᴋatangutivît ilanga ilingnut ataningortitaksarivat; inuk takorngartak ᴋatangutigilungitat ilijaksaringilat.

¹⁶ Kisianele horseᴋutiksane unuksititaksaringilait, inuillo utertitaksaringilait Egiptenemut, horsit unuksititsomavlugit; Nâlekab oᴋautilaungmase: Mattoma kingorngane apᴋotikut omûna utertuksaungilase.

¹⁷ Taimaktauk unuktunik nuliaᴋartuksaungilak, ômatinga allartitauᴋonago; silberemiglo goldemiglo katersoirâdlartuksaunginivok nangminerminut.

¹⁸ Imaituksauvorlo, iksivalerune ataniovingme iksivautaᴋsoangane, tagva perᴋojat ukkua adsinginik pigijaksarijaminik aglaktuksauvok makperteraksanut, ajuᴋertuijut Levikut pingit adsilivlugit;

¹⁹ Najortigijaksarivaillo, atuaraksarivaillo inôsime uvlungit nâvlugit; iliniarᴋovlugo sivôranermik Nâlekamik Gûdiminik, perᴋojat maligaksallo makkoa nâleklugit piniarlugillo;

²⁰ Omatinga pingijaiᴋonago ᴋatangutine naggogilugit, perᴋojamiglo allaiᴋonago talerpingmullônêt saumingmullônêt; unuksititsiᴋovlugo uvluminik ataniovingmine, tâmna ᴋitorngangillo, Israêleme.