ॱसाल्केत् 4 - ल्होमीतेङ् यी़गी ॱवङ् च्येम्मे स्युडी ढुङ्गी केच्च्य १-११ 1 हीनी ङे तेङ् यी़दु गोच्च भीक्प च्यीक् थोङ्ज्युङ्। ॱनी हुनी मल्ल ॱएम्मागी लेक्मुरङ् रच्च्योक्की कङ्लीङ्गी केत् डस्सी च्यीक्ल हीदु यल्ल ॱस्योक्। ह हीनी झ्यीनी तीङ्ला घन्ड घन्ड युङ्गेन् बेक्क हुगो ङे रङ्ल तो़न् योङ् सीच्च्युङ्। 2 हुनी ङ ॱरीप् घङ्ल धम्बे थुगी ॱवङ्ल फीन्ज्युङ्। हुनी इगी तेङ् यी़न ॱवङ् च्येम्मे स्युडी च्यीक् दुक्। ॱनी हुल स्युगेन् च्यीक् ङे थोङ्ज्युङ्। 3 ॱनी स्युडील स्युगेन् दीगी स्यारे दी रीम्बुर् छ्यीये दो यस्पीस् धङ् सार्डीयस् सीक्केङ्गी ओ़च्च्य डस्सी दुक्। स्युडी दीगी छ्यी खोर्ल तीक् खीरी ज्य सुक्तुक्। हीगी छो़ दी रीम्बुर् छ्यीये दो एमेरल्की छो़ डस्सी ज्यङ्गु दुक्। 4 ॱनी हुगी स्युडी दीगी छीगल कोर खीरी स्युडी ॱयोङ्म ङीस्स्यु चप्स्यी दुक्। ॱनी हुल घो़ कप्पु धङ् ज्येल थोप्केन् थोप् छ्यीम्मी़ ॱसीर्की स्यमुङ् घो़म्ब गोयो़प्प ङीस्स्यु चप्स्यी दो़क्कुक्। 5 ॱनी हुगी स्युडी दीनी मल्ल डुक्की च्यीला तो़न्न युङ्न डुक्केक्की हुट्ट डस्सी युङ्गुक्। ॱनी स्युडी ढुङ् दीन बत्ती बर्केन् दी़न् दुक्। हुगो को़न्ज्योक्की थु दी़र्रीम दी बेत्। 6 ॱनी स्युडी ढुङ् दीन ॱस्यीलीङ् डस्सी च्यस्सीङीय च्येम्मे छ्यु ज्यम्जो छ्यीम्मु डस्सी च्यीक् दुक्। ॱनी स्युडी दीगी छ्यो स्यीन उज्येन् स्यी दो़क्कुक्। हुब स्यीगर्ल तक्ल आक्, दोङ्ल अक् ॱमीक् जेक् दुक्। 7 हुब च्यीक् ॱसेङ्गी डस्सी दुक्। ॱनी च्यीक् यङ् ॱलङ्डुक् डस्सी दुक्। ॱनी च्यीक् यङ् मी ङोरी खुर डस्सी च्यीक् दुक्। ॱनी च्यीक् यङ् हुला फीर डस्सी दुक्। 8 हुब स्यीगर्ल ॱस्योक्पक् ढुक् ढुक् दुक्। ॱनी सी़ दील म दीरङ् ॱमीक् जेक् दुक्। ॱनी ङीन् छेन् मीप्प ङे ॱमीत् ॱसोव, हुब स्यीबी़ ॱङो़न्दु उक् यो़क्केन्, हुन्दो ओक् यो़क्केन्, तीङ्ला आक् झ्यो़ङ्गेन्, ॱवङ् की़न् च्येम्मे चोव ज्यीन्दक् को़न्ज्योक् धक्पर् धक्पर् धक्पर् यो़क्केन् सीन्न च्योर्न पुगुक्। 9 ॱनी स्युडील स्युगेन् धी़ नम ज्यी़न्दु ॱसोम्बु यो़क्केल्ल हुब स्यीबी़ तो़प्प, यस्सो धङ् थु छ्यी नम् पुगुक्क 10 हुगी यङ्ल गोयो़प्प ङीस्स्यु चप्स्यीबु दीबे स्युडील स्युगेन्, धी़ नम ज्यी़न्दु ॱसोम्बु यो़क्केङ्गी ढुङ्दु रोरङ्सो़ थोप् छ्यीम्मी़ ॱसीर्की स्यमुङ् दी पीक्न स्युडी ढुङ् दीदु स्यक्न हुनी छ्यक् छेन हीन्दुक् सीन्न यस्सो पुगुक्। 11 चोव ज्यीन्दक् ङीक्की को़न्ज्योक् नीज्यरङ्ल तो़प्प, यस्सो धङ् ॱवङ् थोप् ओ़ब यो़क्केन् बेत्। घन्ड हीन् सीन्न छङ्म थम्ज्येत् छ्यादु ची़क्केन् दी नीज्यरङ् बेत्। हीगी घङ् यो़प्प घयेत् हीगो जेङ् नीज्यरङ्गी थुल ॱनो़बल छ्यादु ची़प्प बेत्। |
© 1995 Wycliffe Bible Translators, Inc. and Nepal Bible Society
Wycliffe Bible Translators, Inc.