ॱसाल्केत् 15 - ल्होमीच्यो़न् छ्यीम्मु तोङ्ज्येम दी़न् थो़ङ्गेन् १-८ 1 हीनी यङ् तेङ् यी़दु ॱमीत् च्यीक्पे ता छ्यीम्मु ॱह लेसी च्यीक् ङे थोङ्ज्युङ्। उन भङ्ज्येम्ब दी़न् दुक्। ॱनी हुबे लक्ल तीङ्स्युक्ल को़न्ज्योक्की ङेल्लेन् च्येन च्यो़न् छ्यीम्मु तोङ्ज्येम दी़न् दुक्। हुनी क खोङ्गी खोङ्डोक् दी स्यीगेन् बेत्। 2 ॱनी ङे यङ् छ्यु ज्यम्जो छ्यीम्मु डस्सी च्यीक् थोङ्ज्युङ्। हुगो ॱस्यी च्यस्सीङीय धङ् मी बर ॱरीमा च्येम्म डस्सी दुक्। ॱनी हुगी ॱसीम्ज्येङ्गी डवुल छ्यक् ॱमीत् छो़गेन्, हुगी मीङ्गी ढङ्ज्युक् मत् लीम्ब, हुगोले ज्यला थो़न्न युङे मी घयेत् दी हुगी छ्यु ज्यम्जो छ्यीम्मु डस्सी दीगी छीगन लोङ्न दो़क्कुक्। ॱनी हुब घयेत्ल को़न्ज्योक्की डम्लेङ् री री बीन्दुक्। 3 ॱनी हुब घयेक्की लुक्टुक्की ॱलु च्यीक् हीन्दुक् सीन्न लीन्सोङ्। हुगो को़न्ज्योक्की ॱयोक्पु मोशागी इक् लीम्ब बेत्। ॱवङ् की़न् च्येम्मे चोव ज्यीन्दक् को़न्ज्योक् नीज्यरङ्गी जेप्पे ले घयेत् यीक् छ्यीम्मु ॱह लेसी दुक्। नीज्यरङ् ज्यागक् घयेक्की थोक्ल यो़क्केन् ज्याबु बेत्। नीज्यरङ्गी थुगी लेमु घयेत् कुरीक् ढङ्बु धङ् दीम्ब यो़क्केन् बेत्। 4 चोव ज्यीन्दक् नीज्यरङ्ल ज्यीब मीत् झ्यीक्केन् ॱसु दी यो़प्प? नीज्यरङ्गी छेल्ल तो़प्प ॱमीत् पुगेन् ॱसु दी यो़प्प? धक्पर् च्येम्म दी ॱनी नीज्यरङ् मेन्द, ॱयोङ् ॱसु उक् मीप्प बेत्। ज्यी़त् ज्यी़क्की मी घयेत् नीज्यरङ्ल छ्यक् छो़दु युङ्गेन् बेत्। घन्ड हीन् सीन्न नीज्यरङ्गी जेप्पे ले घयेत् दी ढङ्बु हीम्ब हुबे ॱह घोन यो़क्केन् बेत्। 5 हीनी तेङ् यी़दु को़न्ज्योक् स्युसे घुर्की छ्यो़गङ् दी भीन युङ ङे थोङ्ज्युङ्। 6 हुगी नङ्नी च्यो़न् छ्यीम्मु तोङ्ज्येम दी़न् खुरे भङ्ज्येम्ब दी़म्बु दी थो़न्सोङ्। हुबे घो़ दील रे सङ्डुक् धक्सी टक्पोक्म घो़न्न दुक्। हुबे ढङ्गोक् दील ॱसीर्की पेट्टी कीङ्दुक्। 7 ॱनी उन यो़क्केन् उज्येन् स्यीबु दीनी च्यीक्की भङ्ज्येम्ब दी़म्बु दील ॱसीर्की फोप्प री री बीन्सोङ्। हुगी फोप्प घयेत् दीबल धी़ नम ज्यी़न्दु स्युगेन् को़न्ज्योक्की खोङ्डोक् टेक् टेक् घेङ्न दुक्। 8 हुनी को़न्ज्योक्की ओ़च्च्य धङ् खोङ्गी ॱस्यीक्की हुगी छ्यो़गङ् दी धुवक्की टेक् घेङ्सोङ्। ॱनी च्यो़न् छ्यीम्मु तोङ्ज्येम दी़म्बु दीगी नम् च्यो़न् दी तोङ् छर् छर् थुक्ल ॱसु उक् हुगी नङ् दील स्युक् ॱमत् छुसोङ्। |
© 1995 Wycliffe Bible Translators, Inc. and Nepal Bible Society
Wycliffe Bible Translators, Inc.