Забур 99 - Пак Калам

Аллагьдиз шукур авуниз эверун

1 Шукурдин мани.

¹ Шукурдин мани. Шаддиз эвера Реббидиз, вири чил!

² Шадвилелди къуллугъ ая Реббидиз, мад къивер гуз Адан вилик акъваза.

³ Чир хьухь: Ребби чи Аллагь я. Ада чун халкь авуна, чун Адаз талукь я, чун Адан халкь я, гьакӀни Адан суьруьдавай хпер я.

⁴ Шукур ийиз гьахьа Адан варариз, тариф гваз гьахь Адан гъенез; сагърай лагь Адаз, Адан тӀварцӀин тарифа.

⁵ Ребби дугъри я, Адан регьим датӀана ава, Адан вафавални несилрилай несилралди я.