Забур 97 - Пак Калам

Ребби – дуьньядин Дуванбег

1 Мани.

¹ Мани. Реббидиз лагь цӀийи мани, куьз лагьайтӀа аламатар авуна Ада; Адан эрчӀи гъили, Адан пак гъили, гъана Адаз гъалибвал.

² Реббиди къалурна хиласвал вичив гвай, Вичин гьахъвал къалурна халкьариз.

³ Ада рикӀел хкана регьимни Исраилдиз Вичин вафа хуьн. Чилин вири вилаятриз акуна чи Аллагьдив гвай хиласвал.

⁴ Шаддаказ эвера, вири чил, Реббидиз! КӀевиз эвера, шадвал ая, тарифдин мани лагь!

⁵ Кинур ягъиз, тариф ая Реббидин, кинур ягъиз ва манидин сесерив.

⁶ Къаргъудинни крчарин сесер галаз шад гьарай ая Пачагьдин вилик, Реббидин вилик!

⁷ Гьуьлуь къал авурай ва ана авай кьван вирида, алемди ва ана уьмуьр тухузвайбуру.

⁸ Кап ягърай вацӀари, шадвал авурай дагълари санал

⁹ Реббидин вилик, куьз лагьайтӀа къвезва чилин дуван ийиз Ам. Чилин дуван гьахъвал гваз ийида Ада, инсанрин дуван – адалат гваз.