Забур 86 - Пак Калам

Сигьан – Халкьдин диде

¹ Къарагьан миресрин мани.

² Ярусалимдин пун ала пак дагъларал. Исраилдин вири хуьрерилайни гзаф Реббидиз кӀанда Сигьандин варар.

³ Вакай баркалла алай хабар ава, Аллагьдин шегьер. Макьамдин ара

⁴ Реббиди лагьана: «Зун чидайбурун арада ава Мисрини Бабил. Филиштидин, Тирдин, Кушдин халкьарин гьакъиндай лугьуда: „Ибурни Сигьанда хайи хьтинбур я“.

⁵ Сигьандикай лугьуда: „Гьар сад гьа ина хайи хьтинди жеда, Виридалай Виневайда Вичи мягькемда анаг“».

⁶ Халкьарин сиягь кьадай береда Реббиди кхьида флан кас ана хана лагьана. Макьамдин ара

⁷ Мани лугьузвайбуру, кьуьлер ийизвайбуру лугьуда: «Чи вири чешмеяр Ва ава».