Забур 57 - Пак Калам

Аллагьди гьахъ дувандин къайгъу чӀугун

¹ Манидаррин чӀехидаз. «Телеф мийир» манидин макьам ягъиз. Давудан шиир.

² Гьахъбур яни куь рахунар, гьакимар? Инсанрин арада гьахъ-дуван ийизвани?

³ Ваъ, куьне дуьз тушир фендер ийизва, зулуматар ийизва чилел куь гъилери.

⁴ Руфунамаз дидедин небгет тирбур хаинрин юкьвава, хайи йикъалай алатнава рекьелай, тапарар ийиз.

⁵ Абурун агъу гъуьлягъриндаз ухшар я. Ухшар я зегьердиз биши гъуьлягъдин, вичин япар экъисзавай,

⁶ ван текъвезвай ицитӀчидин, гьихьтин устад ятӀани ам.

⁷ КукӀвара абурун сухвар, я Аллагь, кӀирер акъуд, я Ребби, асланрин!

⁸ Квахьрай абур, кьур акъатай яд хьиз, хайи хьелер хьиз ялнавай чӀемерукда,

⁹ цӀурурай бенбецӀ хьиз гъер хкатзавай, рагъ такурай, чан алачиз хайибуруз хьиз.

¹⁰ Гьеле куь къажгъанар чими тавунмаз кузвай къакъвада – кӀантӀа хьуй ам къацуди, кӀантӀа кьуруди – небгетар тухуда гару!

¹¹ Гьахъ-михьибуруз хвеши жеда, акурла кьисас, чпин кӀвачер чуьхвейла небгетрин ивидай.

¹² Гьа чӀавуз лугьуда: «РикӀивайни, гьахъ-михьибуруз савкьват ава. РикӀивайни, Аллагь ава чилел дуван ийизвай».