Забур 4 - Пак Калам

Нянин дуьа

¹ Манидаррин чӀехидаз. Симер алай алатар патал. Давудан мани.

² Жаваб це заз, эвердайла за Вахъди, я Аллагь, зи адалат тир! Четин тирла, Вуна акъудна зун гегьеншвилиз: регьим ая, зи дуьадин ван ша Ваз.

³ Эй, инсанрин рухваяр, зун гьикьван куьне кьацӀурда? Гьикьван чӀавалди квез таб ийиз, кьуру рахунар ийиз кӀан жеда? Макьамдин ара

⁴ Чир хьухь, Реббиди Вич паталди вафа гвайди кьилди чара авунва. За ийирла Вичиз гьарай, Реббидиз зи ван жеда.

⁵ Хъел акатна, гунагьар мийир, и кардикай куьн къаткидай месерал фикир ая, киса! Макьамдин ара

⁶ Куь къурбандар ая михьи рикӀелди, умуд кутур Реббидик.

⁷ Гзафбуру хабар кьазва: «Ни къалурда хушбахтвал чаз?» Ребби, Ви чинин экв нур гуз хьурай чаз!

⁸ Вуна зи рикӀ ацӀурна шадвилив чӀехи, зурбади я а шадвал абурун шадвилелай чехирни техил бул хьайила алукьай.

⁹ Зун къаткида, фида секин ахвариз, куьз лагьайтӀа, я Ребби, ксуз тазва са Вуна зав саламатвиле.