Забур 39 - Пак Калам

Шукурни тӀалаб

¹ Манидаррин чӀехидаз. Давудан мани.

² Сабурдивди вилив хвенай за Ребби, Элкъвена Ам захъ, ван хьана зи гьарайдин.

³ Ахкъудна Ада зун кичӀ кутадай гургусдай, зурзазвай уьлендай. Ада зи кӀвачер эцигна рагал, мягькемна зи камар.

⁴ Ада цӀийи мани гъана мецел зи; тарифаррай Аллагьдин чи. Гзафбуруз аквада ва кичӀе жеда, Реббидал чеб ихтибарда.

⁵ Реббидик вичин умуд кутазвай кас бахтавар я, элкъвен тийизвайди кьама ялар авайбурухъ, тапан аллагьрин гуьгъуьнаваз физвайбурухъни.

⁶ Я Ребби, Аллагь зи! Гьикьван гзаф я Вуна авур кьван аламатар, чакай тир Ви ниятар; гьич садни Вав гекъигиз жедач! – за абурукай хабар гудай, ихтилат ийидай, амма абурун кьадар гзаф я.

⁷ КӀан хьанач Ваз я къурбандар, я савкьватар, амма Вуна Зун паталди ахъайна япар, тӀалабнач я кунугар, я къурбандар гунагьдай.

⁸ Гьа чӀавуз за лагьана: «Ингье, зун атанва, кхьенвайвал закай къаргъуда».

⁹ Зи Аллагь, заз кӀанзава ви къаст кьилиз акъудиз, Ви насигьатар зи рикӀе ава.

¹⁰ Гзаф инсанар авай кӀватӀалда хабар гана за Ви гьахъвиликай, завай зи мез хуьз хьанач – Ребби, и кар чизва Ваз.

¹¹ Ви гьахъвал жуван рикӀе чуьнуьхнач за, Ви вафадикай, хиласвиликай хабар гана за. Ви регьимни гьакъикъат за чуьнуьхнач гзаф халкь авай кӀватӀалда.

¹² Ви мергьеметдикай хкудмир зун, я Ребби, Ви регьимди ва вафади къаравулвал авурай зал датӀана.

¹³ Мад кьадар авачир кьван балаяр алтӀуш хьанва зал, кьадар авач абурун, зун тӀушуннава гунагьри зи, зи вилерал циф акъулдзава, зи кьилеллай чӀарарилай гзаф я абур. Зи рикӀ ажуз хьанва.

¹⁴ Я Ребби! Минет хьурай Ваз, азад ая зун! Тади ая зи куьмекдиз, я Ребби!

¹⁵ Зи чан къачуз кӀанзавай кьван вирибур русвагь хьурай, регъуь хьурай абуруз. Зи кьиникь кӀанзавай вирибур элкъуьрай кьулухъ русвагь яз.

¹⁶ КичӀ акатрай русвагь хьуникай ягьанатдин хъвер ийиз заз лугьузвайбурук: «Килиг! Килиг адаз!»

¹⁷ Хвеши хьурай, шад хьурай Валди Вун жагъурзавай вирибур. Вуна гудай хиласвал кӀандайбуру датӀана лугьурай: «Ребби чӀехи я!»

¹⁸ Зун кесиб я, саил я, зи къайгъу чӀугурай Агъади. Вун куьмек я зи, хиласкар я зи, зи Аллагь, геж мийир!