Забур 34 - Пак Калам

Куьмек гунай дуьа

1 Давудан дуьа.

¹ Давудан дуьа. Ребби! Ягъа язавайбурун зун, дяве ая захъ галаз дяве ийизвайбурухъ галаз!

² Яхъ къалханни кьеркь, ша зи куьмекдиз.

³ Хкаж ая зи геле къекъвезвайбурал жидани нажах. Лагь заз: «Куьмек Зун я ви!»

⁴ Регъуь хьуй чпиз, русвагь хьурай зун рекьиз кӀанзавайбуруз. Беябур хьана элкъуьрай кьулухъ заз акси яз чӀуру фенд акъудзавайбур.

⁵ Нагъвар хьиз хьурай абур, гарун хуравай, Реббидин малаикди чукуррай абур.

⁶ Абурун рехъ хьуй мичӀиди, цӀуьдгъуьндайди, Реббидин малаикди чукуррай абур.

⁷ Зал чил вегьейвиляй са себебни авачиз, са себебни авачиз заз фур атӀайвиляй.

⁸ Абурув хабарни авачиз агакьрай кьиникь – абуру эгъвей фуруз чеб аватай, абуру вегьей чил чпел хьуй аруш.

⁹ Зун жеда шадвал ийиз Реббидал, хвешивалда Адалай куьмек атунал.

¹⁰ Михьи рикӀяй лугьуда за: «Ребби! Ваз вуж ухшар я? Вуна хуьзва къуват авайбурукай зайифбур, саиларни кесибар – абур тарашзавайбурукай».

¹¹ Къарагънава инсаф течир шагьидар заз акси яз, заз течирдакай жузазва завай.

¹² Хъсанвилин эвездай заз ийизва писвал, закай етим ийизва.

¹³ За, абур тӀазвайла, алукӀна шихер, сив хуьз, за жув вегьена амандай. Зи дуьа зи хийирдиз хьуй.

¹⁴ Дустунихъ ва я стхадихъ хьиз, за дерт чӀугуна. За, гъам чӀугваз, кьил агъузна, чӀугвазвай хьиз хажалат дидедихъ.

¹⁵ Амма татаб жезвайла зун, шад жезвай абур, абуру заз акси яз гаф-чӀал садзавай. Заз течидай алчахри зун барбатӀзавай галат тавуна,

¹⁶ небгетри акъваз тавуна, ягьанатар ийизвай, зал, сарар экъисиз, хъуьрезвай.

¹⁷ Агъа! Гьикьван килигда Вун и кардиз? Абурун писвилерикай хиласа зун, хиласа зи уьмуьр и асланрикай!

¹⁸ За шукурда Ваз чӀехи кӀватӀалда кьадар авачир кьван халкьдин арада тарифда за Ви.

¹⁹ Зал гъалиб тахьурай са себебни авачиз заз ийизвайбур душманвал. Ягьанатдин хъвер ийиз, вилеринбур тавурай са себебни авачиз зун такӀанбуру.

²⁰ Хъсанвилихъ тухуникай рахазвач абур, туькӀуьриз ава тапан тахсирар чилел алай ислягьбуруз акси яз.

²¹ Сивер, гьешер хьиз, ахъайна, заз лугьузва: «Эхь, эхь, вири акуна чаз чи вилералди!»

²² Ибур вири акуна Ваз, я Ребби, чуькь тавуна акъвазмир. Закай яргъаз жемир, Агъа.

²³ Хкаж хьухь, къарагъ зун хуьн паталди, зи гьахъ кар паталди, зи Аллагь, Агъа.

²⁴ Зун гьахъ ая, Ребби, Аллагь зи, зал гъалибвал къачуз тамир.

²⁵ Абуру чпин рикӀяй лугьун тавурай: «Эхь, вири гьакӀ я, чаз кӀан хьайивал!» Лугьун тавурай: «Чна ам туькьуьнна».

²⁶ Зи бедбахтвилел шадвалзавайбур беябурвиле, айибда гьатрай! Зи винел акьалтайбур абу́р квадарна, русвагьдик акатрай!

²⁷ Зи гьахъвал кӀандайбуру шадвиляйни хвешивиляй гьарай авурай! ДатӀана лугьурай: «Ребби чӀехи я, Вичин лукӀраз хъсанвал хьана кӀанзавай!»

²⁸ Зи меци Ви гьахъвиликай хабар гуз жеда, гьар юкъуз Ви тарифда.