Забур 23 - Пак Калам

Аллагьдин КӀвализ шадвилелди гьахьун

1 Давудан мани.

¹ Давудан мани. Чил ва чилел алай кьван вири, дуьнья ва ана авай кьван вири Реббидинди я.

² Чил Ада эцигна гьуьлерал, мягькемарна авахьзавай ятарин винел.

³ Акьахдайди вуж я дагъдал Реббидин? Вуж я Адан пакханада къваздайди?

⁴ Нин гъилер ятӀа михьи, Нин рикӀик квачтӀа рехне, – гьахьтинди. Низ чизвачтӀа табни гьилле вуч ятӀа, ни кьазвачтӀа тапан кьинер, – гьахьтинди.

⁵ Гьахьтиндав агакьда Реббидилай хийир-дуьа, агакьда гьахъ-михьивални Аллагьдилай, адаз куьмек Гудайдалай.

⁶ Несил я гьа ихьтинди Ам жагъурзавайбурун, Ви чин жагъурзавайбурун, Якьубан Аллагь. Макьамдин ара

⁷ Гегьеншдиз ахъа хьухь, варар, ахъа хьухь, дегь-къадим ракӀарар, баркалладин Пачагьдивай гьахьиз жеривал!

⁸ Вуж я Пачагь баркалладин? Ребби я, мягькемди ва къуват квайди, Ребби, викӀегьди женгера.

⁹ Гегьеншдиз ахъа хьухь, варар, ахъа хьухь, дегь-къадим ракӀарар, баркалладин Пачагьдивай гьахьиз жеривал!

¹⁰ Вуж я Пачагь баркалладин? Къуватрин Ребби, Гьам я Пачагь баркалладин! Макьамдин ара