Забур 2 - Пак Калам

Аллагьди тестикьарнавай пачагь

¹ Вучиз къал-къил акатзава халкьарик, инсанрини туькӀуьрзава ичӀи фендер?

² Къарагъзава чилерин пачагьар ва гьакимар саналди меслят жезва Реббидиз акси яз, Аллагьдин ГуьцӀуьрдизни акси яз.

³ Лугьузва: «Ша, чна кьатӀин абурун зунжурар ва абурун бухаварни алудин!»

⁴ Хъуьрезва Цавара ацукьнавайди, Агъади хъвер ийизва абурал.

⁵ Гьа вахтунда, Вичин хъилев ацӀана Ам рахада ва хъилен цӀув Вичин зурба абурук велвела кутада:

⁶ «Сигьандал, Зи пак дагъдал, За Жуван пачагь тестикьарнава».

⁷ Реббидин къайда раижзава пачагьди: Ада заз икӀ лагьанва: «Гила вун зи хва, Инлай кьулухъ жеда Закай Буба ваз.

⁸ ТӀалаба Завай, За вав ирс яз вугуда халкьар, За вири чилер ихтиярда твада ви.

⁹ Вуна абур кукӀварда ракьун кӀекӀецдив, хъенчӀин къапарин устӀардин къаб хьиз, абур кӀус-кӀус ийида».

¹⁰ Гьавиляй, пачагьар, кьил кьилеллаз хьухь, чир хьухь и кар, эй чилин гьакимар!

¹¹ Реббидикай кичӀе яз, къуллугъа Адаз, шадвални ая, зурзун кваз.

¹² Реббидиз хъел татун патал, Хциз темен це, кьин тавун паталди куьн рекье куь; куьз лагьайтӀа Адан хъел регьятдаказ куькӀуьда. Бахтавар я Адак умуд кутурбур!