Забур 19 - Пак Калам

Пачагьдиз хийир-дуьа авун

¹ Манидаррин чӀехидаз. Давудан мани.

² Реббиди жаваб гуй ваз, пачагьдиз, дар юкъуз. Хуьрай вун Якьубан Аллагьдин тӀварцӀи.

³ Ракъуррай пакханадай Ада куьмек ваз, Сигьандай Ада пад кьурай ви.

⁴ Ви вири къурбандар Ада рикӀел хкурай. Кьабулрай кунугар ви. Макьамдин ара

⁵ Ваз Ада гурай вуч ви рикӀиз кӀандатӀани. Ви вири хиялар кьилиз акъудрай.

⁶ Чун жеда шаддаказ гьарайиз ви гъалибвиликай. Хкажда чна пайдахар тӀварцӀелди чи Аллагьдин. Ви вири тӀалабунар Реббиди акъудрай кьилиз!

⁷ Исятда заз чизва хьи, хиласзава Реббиди Вичин гуьцӀуьр. Ада Вичин пак цаварилай адаз жаваб гузва Вичин эрчӀи гъилин къуватдалди.

⁸ Сада вичин дапурагрик умуд кутазва, сада – балкӀанрик, чна, лагьайтӀа, умуд кутазва Реббидин тӀварцӀик, Аллагьдин чи.

⁹ Абур, зайиф жез, алукьзава, Чун лагьайтӀа хкаж жезва къуватдив вири.

¹⁰ Ребби, пачагьдиз багъиш ая гъалибвал, минетдайла чна Ваз, жаваб це чаз!