Забур 15 - Пак Калам

Иманни умуд

1 Давудан шиир.

¹ Давудан шиир. Зун хуьх Вуна, я Аллагь, за Вак умуд кутунва!

² За Реббидиз лагьана: «Вун я зи Агъа, Валай гъейри, заз бахт авач».

³ Чилел алай чеб Ви пакбурни гьайбат гвай зун паталди шадвал я.

⁴ Артух жеда хажалат чара аллагьрин гуьгъуьнаваз фидайбурун. Абуру хьиз ийидай ивини галай чехирдин къурбандар ийидач за, я абурун тӀварарни гъидач за мецел.

⁵ Ребби зи ирс я захъ авай-авачир, сукӀрани я зи хийир-дуьайрин! Зи кьисмет Ви гъиле ава.

⁶ Заз хъсан пай акъатна, Вуна гайи, ам заз гзаф играми я.

⁷ Тарифзава за Реббидин, насигьатар гузвай заз, зи намусди заз игьтият гузва лап йифизни.

⁸ Ребби датӀана зи вилериз аквазва. Ам зи патав гва – за ян гудач садрани.

⁹ Гьавиляй рикӀ шад жезва зи, хвешивал ава руьгьда зи. Зи чан фана ятӀани, захъ динжвал ава.

¹⁰ Куьз лагьайтӀа, зун Вуна вугудач агъа дуьньядив ва Вуна Ваз вафа муъмин касдив суруз физ тадач.

¹¹ Вуна заз рехъ къалурзава уьмуьрдин, зи рикӀ зурба хвешивилив ацӀуда зун гвай чӀавуз патав Ви. Бахт я хьунухь даим Ви патав.