Забур 140 - Пак Калам

Далда хьун паталай дуьа

1 Давудан мани.

¹ Давудан мани. Я Ребби, за Ваз минет ийизва: тади ая патав зи, зи шел-хвалдиз яб це Вуна, за Ваз минет ийирла.

² Хушди хьурай зи дуьа, Ви вилик кайи атирар хьиз, зи гъилерни хкажун, нянин къурбанд хьиз.

³ Зи сивел, Ребби, къаравул эциг, зи сивин ракӀар хуьх.

⁴ Тамир зи рикӀив писвилихъ алгъиз, къанунсузвилер ийизни тамир небгетрихъ галаз, ширинлухар абурун нез тамир.

⁵ Гьахъ-михьида гатурай зун – регьим я им. Дуьздал зун акъудрай – им чӀем ягъай хьиз жеда заз, инкар тийир кьили зи. Зи дуьа акси я небгетвилер ийизвайбуруз.

⁶ Абурун дуванбегар гадарайла къаядилай, жеда абуруз зи гафарин ван, вучиз лагьайтӀа дуьзбур я абур.

⁷ Чил цадайла, ам гадар жедайвал, гьа саягъда небгетрин кӀарабар гадарна жеда агъа дуьньяда.

⁸ Эхь, Агъа, Ребби, зи вилер Вахъди элкъвенва; за Вак умуд кутазва, зун вугумир ажалдив!

⁹ Заз къянавай чилиникай, небгетрин желедикай зун хуьх.

¹⁰ Небгетар чеб аватрай чпин чилериз, зун, лагьайтӀа, абурал ацалтдач.