Забур 12 - Пак Калам

Куьмек кӀанз авур дуьа

¹ Манидаррин чӀехидаз. Давудан мани.

² Гьикьван гагьда хьуй, я Ребби? Вуна зун рикӀелай алуднава жал даим яз? Гьикьван гагьда чуьнуьхда закай Вуна Жуван чин?

³ Гьикьван гагьда дерт-гъам чӀугваз жеда зун, яргъи йикъара кукӀварда рикӀ тӀалдалди? Гьикьван гагьда душманди зал лавгъавилер ийида?

⁴ Килига заз, жаваб це, я Ребби, Аллагь зи. Экв хце зи вилериз, тефин патал зун ажалдин ахвариз,

⁵ талгьун патал душманди: «За ам кӀаник кутуна», зи мидяйриз хвеши тахьун паталди, за ян гайитӀа.

⁶ Ви гьакъикъи муьгьуьббатдин гъиле за жув вугузва, Вуна азад авунал зи рикӀ пара шад жеда. За Реббидиз манияр лугьуда, куьз лагьайтӀа Ам гала зи хийирдихъ.