Забур 112 - Пак Калам

Аллагьдин чӀехивал ва регьим

¹ Тариф ая Реббидин! Агакьра Реббидив тариф, Реббидин лукӀар, агакьра тариф Реббидин тӀварцӀив!

² Шукурдик хьурай Реббидин тӀвар исятда ва даим яз!

³ РагъэкъечӀдай патай рагъакӀидай патаз кьван тариф хьурай Реббидин тӀварцӀин.

⁴ Хкажнава Ребби халкьарал вири, Адан баркалла цаварилай кьакьан я.

^5-6 Вуж гекъиг жеда чилерални цаварал Реббидив, чи Аллагьдив? Цавара тахтуна Ацукьнавай Ам, чилел агъада вуч аватӀа Килигзавай Ам?

⁷ Ада кесиб хкудзава руквадикай, саил акъудзава кьарадай,

⁸ ацукьарун патал абур регьберрин патав, Вичин халкьдин регьберрин патав.

⁹ Аял тежер дишегьли тухузва кӀвализ бахт авай диде яз. Тариф ая Реббидин!