Забур 110 - Пак Калам

Аллагьдин ажайиб крар

¹ Тариф ая Реббидин! Аллагьдиз за шукурзава жуван вири рикӀелди бегьемдаказ дуьзбурунни эллерин меслягьатда.

² Вуч чӀехи я Реббидин крар, гуьр я абурал фагьум ийиз вирибур.

³ Гьайбатни баркаллани ала Адан крарал, Даиманди я Адан гьахъвал.

⁴ Еке Вичин аламатар Ада жем авуна чи рикӀера, тефидайвал рикӀелай, зурба регьимни, мергьемет ава Реббидиз.

⁵ Икьрар Вичин Адан рикӀел датӀана алама, кичӀебуруз Вичикай Ада тӀуьн гузва.

⁶ Къуватдин Вичин крарикай Ада Вичин халкьдиз хабарна, кьилди адаз гун патал ирс чара чилин халкьарин.

⁷ КӀевиз далу акализ жеда Адан тагькимрихъни. Лайих крар я Адан гъилерин гьакъикъатни гьахъ-дуван.

⁸ Мягькем я абур даим, пун кьунва абуру гьакъикъатдални гьахъунал.

⁹ Ракъурна хиласвал Ада Вичин халкьдиз, тестикьарна даим яз Икьрар Вичин. ТӀвар пак я Адан ва кичӀевал кутарди я!

¹⁰ Хьунухь кичӀе Реббидин вилик – камалдин эвел я, Чуькь тавуна Адан эмирар кьилиз акъудзавайбур акьул авайбур я. Эбеди алхиш хьуй Адаз!