Забур 11 - Пак Калам

Куьмек кӀанз авур дуьа

1 Манидаррин чӀехидаз: муьжуьд сим алай алат патал.

¹ Манидаррин чӀехидаз: муьжуьд сим алай алат патал. Давудан мани.

Давудан мани.

² Куьмек ая, я Ребби, куьз лагьайтӀа вафа тирбур амукьдач, инсанрин арадай гьахъ-михьибур квахьнава.

³ Абуру чпи чеб ийизва алцур, абур ялтах мецералди рахазва таб гвай рикӀивай.

⁴ Реббиди терг авурай гьар са ялтах мез ва лавгъа сивер –

⁵ лугьузвайбур: «Мецералди къачуда чна гъалибвал. Чи мецер чав гваз хьайила, нивай жеда агъавал чаз?»

⁶ «Кесибар дарвиле туниз килигна, куьмек авачирбуру цӀугъ авуниз килигна, Гьа гила-мад къарагъда Зун, – лугьузва Реббиди, – За абуруз динжвал гуда эрзиман-мурад тир чпин».

⁷ Реббидин гафар михьи гафар я, чатун къула накьвадикай михьи авур гимиш я, цӀурурнавай иридра.

⁸ Я Ребби, Вуна хуьда абур, хуьда и несилдикай даим яз.

⁹ Небгетар къекъвез ава виринра, гьуьрметдайла писвилиз инсанри.