Забур 1 - Пак Калам

САД ЛАГЬАЙ КТАБ ( 1–40 -кьилер) Михьиданни небгетдан рехъ

¹ Бахтавар я а инсан, небгетрин меслятрин рекьяй тефизвай, гунагькарри къалурай рекьяй тефизвай, ацукь тийир арада Реббидал хъвер ийизвай ксарин.

² Амма адан шадвал ава Ребби тирдан Къанунда, югъ-йиф ада зикирзава Реббидин Къанун.

³ А кас тар хьиз я, кутунвай цин патав, вахтундамаз гъизвай вичин майваяр, адан пешер шуьткьуьдач.

⁴ Вуч авуртӀани, а касдилай алакьда, небгетар акӀ жедач! Абур нагъвар хьиз я гарун хуравай!

⁵ ГьакӀ тирвиляй гьахъ-михьибурун кӀватӀалда дувандални гьич дурум гуз алакьдач небгетрилай, гунагькаррилай.

⁶ Гьахъ-михьибурун рехъ хуьзвайди Ребби я, Небгетрин рекьевайди кьиникь я.