Кьурумда 29 - Пак Калам

¹ Ирид лагьай вацран сад лагьай юкъуз кӀватӀ жедай пак тир эверун малумара ва адетдин гьич са кардални алахъмир. И юкъуз куьне къаргъуяр ягъун лазим я.

² Кьве таза жунгавдикай, са гьерекай ва са йис хьанвай, рехне квачир ирид кьардикай Реббидиз хуш ни галай гум чукӀурдай кунуг ая.

³ Жунгавдихъ галай фан къурбанд чӀемедик какадарнавай эфадин цӀудай пуд пай лап хъсан гъуьруькай гьазурнавайди хьурай; гьерехъ галайди – цӀудай кьве паюникай;

⁴ ирид кьардикай гьар садахъ галайдини – цӀудай са паюникай.

⁵ Квелай гъил къахчун патал, гунагьдай къурбанд яз са кьунни винел эхциг.

⁶ Абур лазим тир фан ва чехирдин къурбандарни галаз гьар вацран ва гьар йикъан кунугрилай алава яз гъваш. Им хуш ни галай гум чукӀурун, Реббидиз кудай къурбанд я.

⁷ Ирид лагьай вацран цӀуд лагьай юкъуз кӀватӀ жедай пак тир эверун малумара. Куьне сив хуьх ва гьич са кардални алахъмир.

⁸ Рехне квачир са таза жунгавдикай, са гьерекай ва са йис хьанвай ирид кьардикай Реббидиз хуш ни галай гум чукӀурдай кунуг ая.

⁹ Жунгавдихъ галаз санал чӀемедик какадарнавай эфадин цӀудай пуд пай лап хъсан гъуьруькай гьазурнавай фан къурбанд ая; гьерехъ – цӀудай кьве паюникай;

¹⁰ ирид кьардикай гьар садахъ – цӀудай са паюникай.

¹¹ Фан ва чехирдин лазим тир къурбандарни галаз даиманди тир кунугдал ва гунагьрилай гъил къахчунин къурбанддал алава яз гунагьдай къурбанд хьун патал са кьунни винел эхциг.

¹² Ирид лагьай вацран цӀувад лагьай юкъуз кӀватӀ жедай пак тир эверун малумара ва адетдин гьич са кардални алахъмир. Ирид юкъуз Реббидин гьуьрметдай сувар къейд ая.

¹³ Реббидиз хуш ни галай гум тир, Адаз кудай кунуг ая: цӀипуд таза жунгав, кьве гьер ва са йис хьанвай, рехне квачир цӀукьуд кьар.

¹⁴ ЦӀипуд жунгавдикай гьар садахъ галаз чӀемедик какадарнавай эфадин цӀудай пуд пай лап хъсан гъуьруькай гьазурнавай фан къурбанд ая; кьве гьерекай гьар садахъ галаз – цӀудай кьве паюникай;

¹⁵ цӀукьуд кьардикай гьар садахъ галаз – цӀудай са пай.

¹⁶ Фан ва чехирдин лазим тир къурбандарни галаз даиманди тир кунугдал алава яз гунагьдай къурбанд хьун патал са кьунни винел эхциг.

¹⁷ Суварин кьвед лагьай юкъуз цӀикьвед таза жунгав, кьве гьер ва са йис хьанвай, рехне квачир цӀукьуд кьар къурбанд ая.

¹⁸ Жунгаврихъ, гьерерихъ ва кьарарихъ галаз санал, тайинарнавайвал, абурун кьадардиз килигна фан ва чехирдин къурбандарни ая.

¹⁹ Фан ва чехирдин лазим тир къурбандарни галаз даиманди тир кунугдал алава яз гунагьдай къурбанд хьун патал са кьунни винел эхциг.

²⁰ Суварин пуд лагьай юкъуз цӀусад таза жунгав, кьве гьер ва рехне квачир, са йис хьанвай цӀукьуд кьар къурбанд ая.

²¹ Жунгаврихъ, гьерерихъ ва кьарарихъ галаз санал, тайинарнавайвал, абурун кьадардиз килигна фан ва чехирдин къурбандарни ая.

²² Фан ва чехирдин лазим тир къурбандарни галаз даиманди тир кунугдал алава яз гунагьдай къурбанд хьун патал са кьунни винел эхциг.

²³ Суварин кьуд лагьай юкъуз цӀуд таза жунгав, кьве гьер ва рехне квачир, са йис хьанвай цӀукьуд кьар къурбанд ая.

²⁴ Жунгаврихъ, гьерерихъ ва кьарарихъ галаз санал, тайинарнавайвал, абурун кьадардиз килигна фан ва чехирдин къурбандарни ая.

²⁵ Фан ва чехирдин лазим тир къурбандарни галаз даиманди тир кунугдал алава яз гунагьдай къурбанд хьун патал са кьунни винел эхциг.

²⁶ Суварин вад лагьай юкъуз кӀуьд таза жунгав, кьве гьер ва рехне квачир, са йис хьанвай цӀукьуд кьар къурбанд ая.

²⁷ Жунгаврихъ, гьерерихъ ва кьарарихъ галаз санал, тайинарнавайвал, абурун кьадардиз килигна фан ва чехирдин къурбандарни ая.

²⁸ Фан ва чехирдин лазим тир къурбандарни галаз даиманди тир кунугдал алава яз гунагьдай къурбанд хьун патал са кьунни винел эхциг.

²⁹ Суварин ругуд лагьай юкъуз муьжуьд таза жунгав, кьве гьер ва рехне квачир, са йис хьанвай цӀукьуд кьар къурбанд ая.

³⁰ Жунгаврихъ, гьерерихъ ва кьарарихъ галаз санал, тайинарнавайвал, абурун кьадардиз килигна фан ва чехирдин къурбандарни ая.

³¹ Фанни чехирдин лазим тир къурбандарни галаз даиманди тир кунугдал алава яз гунагьдай къурбанд хьун патал са кьунни винел эхциг.

³² Суварин ирид лагьай юкъуз ирид таза жунгав, кьве гьер ва рехне квачир, са йис хьанвай цӀукьуд кьар къурбанд ая.

³³ Жунгаврихъ, гьерерихъ ва кьарарихъ галаз санал, тайинарнавайвал, абурун кьадардиз килигна фан ва чехирдин къурбандар ая.

³⁴ Фан ва чехирдин лазим тир къурбандарни галаз даиманди тир кунугдал алава яз гунагьдай къурбанд хьун патал са кьунни винел эхциг.

³⁵ Муьжуьд лагьай юкъуз суварин кӀватӀ хьун малумара ва адетдин гьич са кардални алахъмир.

³⁶ Реббидиз хуш ни галай гум тир, Адаз кудай кунуг ая: са жунгав, са гьер ва рехне квачир, са йис хьанвай ирид кьар.

³⁷ Жунгавдихъ, гьерехъ ва кьарарихъ галаз санал, тайинарнавайвал, абурун кьадардиз килигна, фан ва чехирдин къурбандарни ая.

³⁸ Фан ва чехирдин лазим тир къурбандарни галаз даиманди тир кунугдал алава яз гунагьдай къурбанд хьун патал са кьунни винел эхциг.

³⁹ Вяддин ва я гуьгьуьлдалди ийизвай кунугрилай, фанни чехирдин къурбандрал ва суварин къурбандрал алава яз, куь суварриз Реббидиз и къурбандар ая“».