Хьунухь 10 - Пак Калам

Нуьгьакай арадал атай халкьар

¹ Ингье Нуьгьан рухвайрикай – Шамакай, Хамакай, Яфетакай – ва абурун несилрикай ихтилат. Дуьньядал яд акьалтайдалай кьулухъ Шамаз, Хамаз ва Яфетаз аялар хьана.

Яфетан эвледар

² Яфетан рухваяр: Гамер, Мажиж, Мидя, Юнан, Тубал, Мешех ва Тирас.

³ Гамеран рухваяр: Ашкеназ, Рифат ва Тагарма.

⁴ Юнан несилар: Элиш ва Таршиш, ва гьакӀ китимарни раданимар.

⁵ Абур гьуьлуьн къерехра авай уьлквейра уьмуьр тухуз ацукьна. Абурун чилер, тухумар ва тайифаяр гьа ибур я, ва абурукай гьар садахъ вичин чӀал ава.

Хаман эвледар

⁶ Хаман рухваяр: Куш, Мисри, ПӀутӀ ва Къенан.

⁷ Кушан рухваяр: Себа, Гьавила, Сабта, Рагма ва Сабтеха. Рагаман рухваяр: Шеба ва Дедан.

⁸ Кушаз Нимрад тӀвар алай хва авай – дуьньяда сад лагьай пагьливанни

⁹ Реббидин вилик зурба гъуьрчехъан. «Реббидин вилик Нимрад хьтин зурба гъуьрчехъан» ибара гьа идакай арадиз атанвайди я.

¹⁰ Сифтедай адан пачагьлугъдик Бабил, Эрех, Акад ва Калне акатзавай; вири абур Шинар пата ава.

^11-12 И уьлкведай ам Ашурдиз хъфена ва ана Нинев, Рагьабат-Шегьер ва Калах, гьакӀни Ниневдинни, им чӀехи шегьер я, Калахдин арада Ресен эцигна.

¹³ Мисридилай арадал атана: лудияр, анамияр, легьабияр, нафтугьияр,

¹⁴ патрусвияр, каслугьияр ва кафтарвияр (абурукайни – филиштияр).

¹⁵ Къенаналай хьана: Сидун (им адан сифте хва я) ва Хет,

¹⁶ гьакӀни ябусвияр, амарияр, гиргашияр,

¹⁷ гьивияр, аркъавияр, синвияр,

¹⁸ арвадвияр, семаравияр ва гьаматӀвияр. Гуьгъуьнай къенанвийрин тухумри мадни чилерал бине кутуна:

¹⁹ абурун мулкар Сидундилай Герардихъ экӀя хьанвай – Газадал кьван, ва Садум, Гамура, Адма ва Цевайим галайвал – Лашадив агакьдалди.

²⁰ Хаман несилар, абурун чӀалар, чилер, тухумар ва тайифаяр гьа ибур тир.

Шаман эвледар

²¹ Аялар Шамазни авай. Яфетан чӀехи стха тир ам Эберан рухвайрин бан-буба я.

²² Шаман рухваяр: Элам, Ашур, Арпахшад, Луд ва Арам.

²³ Араман рухваяр: Ус, Гьул, Гетер ва Маш.

²⁴ Арпахшадан хва Шалагь тир, Шалагьан хвани Эбер.

²⁵ Эбераз кьве хва хьана: садан тӀвар Пелег тир, вучиз лагьайтӀа гьа гьадан девирда чилер пайнай, муькуьдан – ЯкътӀан.

²⁶ ЯкътӀаназ ихьтин рухваяр авай: Алмадад, Шелеф, Гьасармавет, Ярагь,

²⁷ Гьадарам, Узал, Дикьла,

²⁸ Убал, Абимаил, Шеба,

²⁹ Уфир, Гьавила ва Ябаб. Ибур вири ЯкътӀанан рухваяр я,

³⁰ абурун чилер Мешадилай рагъэкъечӀдай патахъ, Сефар дагъларив кьван экӀя хьанвай.

³¹ Гьа ибур Шаман несилар, абурун чӀалар, чилер, тухумар ва тайифаяр я.

³² Гьа ибур Нуьгьан рухвайрин тухумар, абурун ери-бине ва абурукай арадал атай халкьар я – чилел алай вири халкьар дуьньядал яд акьалтайдалай кьулухъ гьа ибурукай хьанвайбур я.