Nhiara 93 - Alkitab bahasa Luang

Itmatromlawanni Ray miaka kodi liarni inhatta

¹ Itmatromlawanni de Makdenreri E'a. E' de Ray inhatta. E Nodi plolli-ntaryatu, me ruri-lai mak penpuenu tetema pa emeknekama ray ida mak kamrehi-kamda'ar nohora ray naniayarni de. Itmatromlawanni Nhi' pa nohkerna-rai miarna nayarir die npitu-nkora, me edonna nlika-nwo'la la genni.

² Matroma, liwangenmu naniohora la ululu genni. La' ler maka noha gergera-tatiah ma'ta de O' ed olek la wa.

³ La' hletan lawna-yoir lawan de nayetni-nawaran la yo'or lawna-anin lawna. Matroma! Anni meranni pa yo'ora ndudmu-ndudmu!

⁴ Mere Itmatromlawanni Nodi plolli la Ilyamou-Watyatoha de Nareh mieman la yo'or lawna-anin lawna yetanni la hletna-yoir maka kame'eta-ka'anni.

⁵ Matroma, O deulu-tatarmu riormu-liaimu rden nek la pa nodi liarni. La' O rommu de nmou rieri-nwitan reri ululu genni pa nodi liarni.