Nhiara 87 - Alkitab bahasa Luang

Yerusalem de let mak kden rer lia Uplerlawna ralamni

¹ Korah duratni-waitni nhiar ya'ulli-yawedni id de lirni emkadi: Orgahi-Orha'a Nariria E letni la'a wo'ora maka ha Nmeha Nwalir niana.

² La'a leta-let no'a Israel re honona, de Yerusalem ed maka kden rer lia E ralamni!

³ Ha rakot nohora Uplerlawna letni de riwra Yerusalem de let samomuou memna hade!

⁴ Uplerlawna lirni: “Hota Mesir nora Babel de Akenia la'a puk daftar ralamni, de puka maka Atiulsi riy mak klernohor reri A'u re nanni. La'pa riy Filistea, Tirus, nor Etiopia mana er maka Aghi' nana re pa rler wut lia Yerusalem limni-rorni.”

⁵ Hota rakot nohora Yerusalem, maka ha rweta la Sion de riwra: “Riy mak kwatiawua lodna hairi re honona rrekan wutga la riy mak kla' lima-ror makden la let de.” Ne hota Uplerlawna Makdella Tutullu-Lolo'oni de Nmeha ed mak kruwun reria let de.

⁶ Hota Orgahi-Orha'a Nkenia la'a puk daftar ralamni de hairi-hairi honona nanni yoma Nrekan wutga ir la Yerusalem limni-rorni.

⁷ Hota honona re rloi-rhek pa rwatunu-rwahniari de riarni-riarni pa riwra: “A hononam di de riy Sion molanni ami.”