Nhiara 82 - Alkitab bahasa Luang

Uplerlawna Nawenan la mak edon ketlia noha wawannu lirni-tunnu la plol wawannu

¹ Uplerlawna mak kdella Ilyamou-Watyatoha Namtatna pa Ntorna watghudi lokarni. Mak kre'ela retlia noha wawannu lirni-tunnu er walia. Ir maka ha rweta la Uplerlawna a'nani.

² Dewade Uplerlawna Nakot la ir wa, Niwra: “Hoi! Yana mietlia rira lirni-tunnu de, mhi'a pa nhala. Yan mememna miodniana riy yatyata-halala.

³ Mere, miprir lia a'na riy patyata nor wutga riy mak kla ta'eni-kmai tia'eni. Mietlia riy mak kakleha-kaplara rora riy mak kler la kropna-krieutu lirni-tunnu la plol wawannu.

⁴ Minawar doinia riy maka kla ta'eni-kmai tia'eni ror wutga la'a riy maka kakleha-kaplara. Minawar dodioinia la'a riy yatyata re limni ralamni.

⁵ Miy die mak kpodku-kpadku o! Miy e miplin niohor ma'ta hadomdoma. Emolmolla ponpona-mamuahu, memetma nwow nana miy matmi, pa mila' de dudunti-wetwetria hoho'a-hayaya. Onnila miy (edon mtiulan la riy pa rmori-rdar lia plol wawannu de) pede emeknekama mhi' nohkerna-rai miaran di pa nwaltiri-nwaliakra.

⁶ A'ukot oleka giwra: Miy die Uplerlawna Makdella Tutullu-Lolo'oni upni-a'nani miy.

⁷ Mere hota miy mmiat wiali emeknekama rimormiori honona mak kmati. Miy emeknekama o'ta-mat lalawna ho'mana, hota miy mmiat miemna.”

⁸ Pleta Matroma! Mmuai pia orgahamu Mtiorn apitu-mriauti apitga watghudi lokarni me tatiaili lahannu mai noha wawannu, yoma la' lodna-hairi honona de O gahamu momuoga.