Nhiara 43 - Alkitab bahasa Luang

Riy mak kwak meman pa nawali owa'an la nohoni me Uplerlawna roma kreini totpena nkola tieru-nawur nehla owa'an la E'a

¹ Muetlia a plollo'lu totpena riy rat niohora, Uplerlawnu ne! Muodnian a lia'a riy mak edon khu'ru-khelam la O'a re gaini ralamni. Muolin doin a lia'a riy yatyat maka'ohpa-kalahara.

² O' de Uplerlawan mak kruwun rer a'u. Nihya'pa Omuolin limmu mai a'u? Hya'a nrei pia alier nek la lului-nurnuhru yoma arwa'lu re rutin rer a'u?!

³ Awuak pa lerlermu nhita-nrepra a ta'lu me totpa Mukot nohora plollolmu totpena a'uwali owa'an la' Sion la O wo'ormu mak kden la mounu-witanni de, de la'a O rommu mak ha Mdiella.

⁴ Totpena alia ghortut niana O katri'anmu de pa alia upal wut lia Uplerlawna O'a mak khi' a pua a ralmu nahepuepur reri. Ne hota awuahniar de aniairia hitara-fiola, totpena gala u'uli-uwedia O'a maka a'ukola tieru-kawur nehla de.

⁵ Nihya'pa a ralmu ndenrer lia lui-nuhru pa yanina-yamat onna? La' samomuounu de a arnu nahnia'ar to'ola'a a Uplerlawnu. Yoma hota E ed mak kamori-kalewn a'u pa a'u'uli-uwedi owa'ana E'a.