Nhiara 3 - Alkitab bahasa Luang

Sniumbain yawyawra

¹ Hadi de Daud wniahniarni la yatipnu-yatnianni yapollu-yawakni la'a ler maka e nawlar dioinia a'nani Absalom yoma Absalom niwra nwunu-nwen amni de niwra:

² Matromlawnu ne! O' de Makdenreri O'a! A' arwa'lu re lawan rehi oleka wa. Riy rahu rpepan targ a lia' ar ralma.

³ Riy harahu riwra hota Uplerlawna edonna Ntulan mai a'u.

⁴ Mere Matrome! O' di de a kelia'wu-halwa'anu. O' nampena maka ga wualerna ahu namni me ga wuatemna tera-wehla. Onnila O hihi'imu-yapyapmu pa rira ra'uli-rawedi owa'an a na'nu.

⁵ Apuollia Matromlawnu la E genni makmou-kwitna la wo'ora Sion, noma Nwahla li'iru.

⁶ A'unin a' die hadom edon nawo'la a'u. Noma umat owa'ana yoma Itmatromlawanni ed mak kalakr a'u.

⁷ A'g edonna umta'ata la arwa'lu riwnu-halli mak metam lola walli-walli pa rdeh'a targa talla-talla matni.

⁸ Mriuwun reri a'u Matromlawnu ne! Uplerlawnu ne! Mukmua re me Muala re pa wrika-wriai la genni.

⁹ Tniulan lawan de nwatiag O'a Matroma, Makdenrer O'a. Mhuria ralammu pa Mtiera-mdiema Mura'a-mupalga O rimormiormu.