Nhiara 150 - Alkitab bahasa Luang

Haleluya

¹ Haleluya! Ya'uli-yawedi la Itmatromlawanni Makdenrer die! Ta'uli-tawed reria Uplerlawna la E romni nayanni. Ta'uli-tawedia E la genni-tienni mak karuri-ka'orta la Ilyamou-Watyatoha!

² Ta'uli-tawedia, yoma la'a hihi'ini-yapyapni mak kamehi-kayona. Ta'uli-tawedia yoma la'a E inponni Nareh dioin hya'a-hya'a to'owa.

^3-5 Ta'uli-tawedia de twahniar pa tahe'iya tiwla-prai hitara-fiola. Ta'ala floiti, sraki, noknoka la'pa it loini-nhiekni pa ta'uli-tawedi E'a. Talir momuoga re pa honona yetni-warna pa ta'uli-tawedia la E genni-tienni.

⁶ La'pa ha mormiori re honona mmiai pia ta'uli-tawedia Orgahi-Orha'a Uplerlawna-Mempulwatnu makden la tutullu-lolo'oni. Haleluya! Ya'uli-yawedi la Itmatromlawanni Makdenrer die!