Nhiara 134 - Alkitab bahasa Luang

Mak kar lia Itmatromlawanni Romni nayanni la' melmela mmiai pia mi'uli-miwedia E'a

¹ Nhiar maka rwatunu-rwahniar la'pa rha'at la wo'or wawannu pa rla rkola tieru-rawur nehla la Itmatromlawanni (Nhiara Ziarah): Itmatromlawanni rimormiorni mak kar lia E romni nayanni la' melmela, hononmi mmiai pia mi'uli-miwedia E'a.

² Hononmi mrian limmi la'a gen miaka kmou-kwitna la do'a-hala ralamni, nanpena mi'uli-miwedia Itmatromlawanni Makdenrer die.

³ Ampakwak pa mliernana pripanni-fa'anni la'a Orgahi-Orha'a maka kakoki-kayap niana noha nora lyanti, ampakwak pa Itmatromlawanni makdella Sion hota Nara'a-napal nian miy.