Nhiara 133 - Alkitab bahasa Luang

It tora Itmatromlawanni mutnu-rahanu tla' ihyida-ralmida

¹ Nhiar maka rwatunu-rwahniar la'pa rha'at la wo'or wawannu pa rla rkola tieru-rawur nehla la Itmatromlawanni la'a letlawna Yerusalem (Nhiara Ziarah Daud): La' samomuounu meman de Orgahi-Orha'a rimormiorni it di de tla' ihyida-ralmida.

² La' hade de emekwalima wu'ru mak kahuw mikmikri mak kalweli, mak ha rhuria la Harun wuwannu pa nwau lia ra'ani nayanni.

³ Onde emeknekama howna-kgar maka kwaliernia lola wo'ora Hermon pa nerun la wo'ora-kawur mak kden la Sion wo'orni. Hota la' Sion de Itmatromlawanni Makdenrer die Nhuriernia ra'ani-pallu. Ra'ani-pallu de, mormiori-dardiari mak kodi liarni.