Nhiara 131 - Alkitab bahasa Luang

Tawrik la Itmatromlawanni nayanni emeknekama papay lokmera ida

¹ Nhiar maka rwatunu-rwahniar la'pa rha'at la wo'or wawannu pa rla rkola tieru-rawur nehla la Itmatromlawanni la'a letlawna Yerusalem (Nhiara Ziarah Daud): Matroma! A'g edonna utulu-upetna ino'nu mai noh di wawannu. A'g edonna wuarora-wualai niohora hya'-hya' maka Matroma Nmeh'a Natga. A ralma-rio'ru ta'enniana nla' nana hade.

² Mere apuesiay tio' O'a, Matroma, ne a ralmu di namtiertierun nek wa pa emeknekama papay miaka kpeher la inni uhunu pa nahe'i niohora yakanni la inni riwni wawannu.

³ Makden Israel miy re! Mhia'ar nek aranmi la Itmatromlawanni Makdenreri la' dodo'on di la'pa nodi liarni.