Nhiara 129 - Alkitab bahasa Luang

Itmatromlawanni Makdenrer die ed mak kolin doin ir la ir arwalli limni ralamni

¹ Nhiar maka rwatunu-rwahniar la'pa rha'at la wo'or wawannu pa rla rkola tieru-rawur nehla la Itmatromlawanni (Nhiara Ziarah): Noha-rai Israel emeknekama riy id maka ha radunti-rawetria rwatei-rwahapra la' ler maka nden ma'ta la tuwari lewatni la'pa ntut lia la' ler maka hamto' olekwa. Pede makden Israel miy re! La'pa arwalmi re radunti-rawetria miy emkade, de emkameni nor miy? Mikot teka!

² Na'nama makden Israel re rwahla riwra: “La' ler maka am tuwarwiar mia'ta pa la'pa la' dodo'ondi, de a' arwal miamni re radunti-rawetria ami, mere ta'enniana ra'unut nan ami!

³ Rwano'a-rwarara kdieldelam nana a to'ora tenan mamni, de emekwalima ora nhyi'a mak khi' ger talan lola nhyi' awrieha letgarni pa nla nwau lia nhyi'a walli-walli.

⁴ Mere Orgahi-Orha'a mak kden rer niek la plola-mneha wawannu ed maka kolin doinia am lia wnia'ata-wnia'ara re.”

⁵ Matroma! Muolin doinia pa mamkek nan memna riy maka kagai pietan rer lia a letlawan mamni Sion, hota rmola-rma'a onnila Omual ir la' yawa.

⁶ La'pa hota tamkek la re de emeknekama yawuli-yatniamni mak kmor lia'a gen miaka tani oke' to'a, pede pleta-plet pa nkeran wa.

⁷ La' hade pede mak kreiki-kwo'ora mana hota edonna rtetia pa rewat walia.

⁸ Riy maka klereti pia ramkek nana ir mana edonna rwak la Itmatromlawanni Makdenrer die totpa Nara'a-napalga ira. Edonna rwak pa ir rlernana Itmatromni ra'ani-pallu.