Nhiara 128 - Alkitab bahasa Luang

Ra'a-palu la'a roma mniotni

¹ Nhiar maka rwatunu-rwahniar la'pa rha'at la wo'or wawannu pa rla rkola tieru-rawur nehla la Itmatromlawanni (Nhiara Ziarah): Riy maka ka'unni-kamta'ata Orgahi-Orha'a pa mormiorni mana nlernohora E nie'erni-tniatarni, hota nlernana ya'unut lawna la mormiorni-dardiarni.

² Hota omliernana o yamanna-wra'amu la'a o prehenmu-maumu, pa mlier la ra'ani-pallu pripanni-fa'anni.

³ O patke'emu mak kden la rommu nayanni de emeknekama lokrahi on maka kpoti-kadwu, me o upmu-a'namu emekwalia kmiri ona-wa'dg ona mak ka'uhwu pa kpepan reria mei maka ha mu'un la.

⁴ Plola, la' emkadella Itmatromlawanni Makdenrer die Ntera-ndema riy maka ka'unni-kamta'ata E' pa rlernohor reria.

⁵ Awuak pa Itmatromlawanni mak kden la Sion Ntera-ndem reri o'a. Totpena orgahamu mumkek memna Yerusalem nler la pripanni-fa'anni la' ler maka o mormiormu-dardiarmu de ralamni.

⁶ Awuak pa hota umarmu plalahwa pa mumkek nohor walia upmu-a'namu rora duratni-waitni. Awuak pa Israel rler la kalwiedni-paitiotni.