Nhiara 127 - Alkitab bahasa Luang

Ra'uli-rawedia Itmatromlawanni Makdenrer die onnila kalwiedni

¹ Nhiar maka rwatunu-rwahniar la'pa rha'at la wo'or wawannu pa rla rkola tieru-rawur nehla la Itmatromlawanni (Nhiara Ziarah Salomo): La'pa Itmatromlawanni edonna Nariria roma ida de tukna re kniarni mana edonna rla' ga'a. La'pa Itmatromlawanni edonna Nruwun reria leta ida de mak katiak reri re mana ta'enniana ratiak samou leta ralamni.

² Persum to'ola itkar pia ta twahaka it apannu mniotni, la' loka-lak ma'ta de tamat wa ne mela lawan memna nanpena tpot la. Yoma riy maka Itmatromni Nsaynia re ranin ma'ta de Nwatiern oleka hya' maka hota repra ha rwahaka.

³ Upa-a'na re de, Itmatromlawanni Makdenrer die ed mak kala re. Plola! Ir emolmolan nekama yara'a-yapalu muaka itlernana la'a E'a.

⁴ La' a upa-a'na muanu maka it tlernana la Itmatromni la' ler maka ituwarwiar mia'ta de emeknekama ra'p'ihi maka makodi keki-rautu ida ntorreria.

⁵ Hota unut lawna meman la'a riy maka a'na muanu harahu. Emeknekama rhi'targ' oleka ra'p'ih harahu. Hota emkameni ho'mana takenniana riy rala la yawa! La'pa rwatrom la watghudi gaini de ralerun targa arwalli.