Nhiara 126 - Alkitab bahasa Luang

Rsumbain pa rwaka Orgahi-Orha'a Nwe'er doin ir la ir arwalli limni ralamni

¹ Nhiar maka rwatunu-rwahniar la'pa rha'at la wo'or wawannu pa rla rkola tieru-rawur nehla la Itmatromlawanni (Nhiara Ziarah): La'pa Orgahi-Orha'a Nwe'er doin ita makden Yerusalem pa twali owa'an la riy mak kler la yara'a-yapalu lalawna, de itat tio'a de ita tmi'a-tlo'a kennama ha plol toto' memna hadi.

² It tahepur nande twatunu-twahniar pa tkokna-trarni pa narieiniande riy makden la noha-rai korni riwra: “Tkil niek la re me! La' dodo'ondi wa de Orgahi-Orha'a Nhi'a-nyapia hya'-hya' maka samomuou muemna la' ira!”

³ Meman neka la, ha naplola! Itmatromlawanni Makdenrer die Nhi' nan oleka hya' maka samomuou muemna mai ita! La' hade pede tamuki-tahepru twatunu-twahniara.

⁴ Matroma! Mhuerun doinia a kleha-lar mamni re honona totpa ampali owa'an la riy mak kler la yara'a-yapalu lalawna, totpena emeknekama ger wawuau maka kerna olekwa mere nriwu-nharn owa'an la otna.

⁵ Riy maka kawuli-katniamni nko'a-nkakur nohora prehenni-maunu la'a nhyi'ini wnial tianni, mere kaniha-kamali niohora la'a rieiki lerni.

⁶ La'a riy maka ko'a-kher nohora wetra'ani niamatni yoma rler la susa ralamni mere la'pa rieki lerni pa rpolan wa de riarni-riarin nohora la nhiara me rahepur wali yoma rakwara wetra'a kadu-kadu.