Nhiara 122 - Alkitab bahasa Luang

Sniumbain totpena Yerusalem nler la kalwiedni

¹ Nhiar maka rwatunu-rwahniar la'pa rha'at la wo'or wawannu pa rla rkola tieru-rawur nehla la Itmatromlawanni la'a letlawna Yerusalem (Nhiara Ziarah Daud): A ralmu nahepur doin la yoma riy rakot la mai a'u, riwra: “Mmuai pia it tla'a Itmatromlawanni roma kreini!”

² Pede dodo'ondi de ammai pia mpakrian olek la Yerusalem puohra lawanni onni wa.

³ Rariria let lawna Yerusalema de rwahipni-rwalapar watu pa ra rwed lutru totpena naruri-nalai.

⁴ Hota Israel luwnu-a'nani honona rmai handi, de luwu-a'na mak Itmatromlawanni Nwaliri-nwatoha. Rma ra'uli-rawedi Itmatromlawanni rlernohora hya' ed maka Itmatromlawanni Nakot targ' oleka la Israel duratni-waitni pa rhi' nana.

⁵ Hota la' handi ed maka Daud duratni-waitni ray-ray re rtorna watghudi la'a limni-rorni re honona.

⁶ Mmiai pia tsumbain la Yerusalem totpena hota nler la kalwiedni-paitiotni. Twak de riy honona mak sukni la Yerusalem rler la mtiertierannu.

⁷ Twak de riy mak kdella letlawna Yerusalem weranni-plahwani rler la kalwiedni-paitiotni. La'pa la'a riy mak kodi plolli genni-tienni la hande wali hota emkade wal lia.

⁸ Yoma asiayni a mutwua'lu-lawa'lu ror wutga mu'tu-rah'u honona mak kden hande, pede awuak la Itmatromlawanni giwra: “Matrome! Mual rimormiori mak kdella Yerusalem ralamni totpa rler la kalwiedni-paitiotni!”

⁹ Yoma la'a Orgahi-Orha'a Uplerlawna-Mempulwatnu maka itkola tieru-tawur nehla de romni nayarir olek la Yerusalem pede asiumbaini totpena Uplerlawna Nal Yerusalem pa nler la pripanni-fa'anni.