Nhiara 120 - Alkitab bahasa Luang

Tsumbain pa twaka tniulan la Itmatromlawanni Makdenrer die

¹ Nhiar maka rwatunu-rwahniar la'pa rha'at la wo'ora wawannu pa rla rkola tieru-rawur nehla la Itmatromlawanni (Nhiara Ziarah): La'pa alier la susa ralamni de apuol lia Itmatromlawanni noma Nwahla nan a'u.

² Agiwra: “Matroma! Muhal doin a lia'a riy maka kpudi-akla ka'ohpa-kalahara re!”

³ Mak kpudi-akal miy re! Hota Uplerlawna Nhi'a hya'a la miy ooo?! Hota Enala hya' pa Nala na Nukmua miy hononmi o?!

⁴ Mitiak o! Ra'pa ihi ploklokra maka kwatiaga ahu namni hota ntiy die ihini lomlomra-laliair nohora morni.

^5-6 Hota muati e! Adien niek la riy Mesek me riy Kedar emolmolan neka do'ona-dakna ida. La'a hya'a rieini pede a'g e dien wut lia ir o?! Ir mormiorni de sukni tia'ala amhol wiutu rewre'wa la kalwiedwedni. Mahnek memna oleka agor ir la' gen ida.

⁷ Maka a ralmu nod rer nieka de totpena riy id nor rimormior wialli rkalwieda, yana rahuri-rawo'ora. Mere la'pa a nu'ru nheik nan lir kalwiedweda, dewade riwra rwahedga tera wehla wa.