Nhiara 12 - Alkitab bahasa Luang

Rsumbain pa rwaka tniulan la Itmatromlawanni Makdenrer die

¹ Hadi de Daud nhiar ya'ulli-yawedni maka ha rala la mak khi' o'tani la mak kwatunu-kwahniara. Rwahniar de rlernohora mak ha riwra mak kla' wo'awa:

² Niwra: Matromlawnu ne! Mtiulan la mai ami, yoma riy mak klernohor reri O' ralma-riormu re hadamon olekwa, ne hota it edon tamkek nan owa'ana ira.

³ Riy honona idma na'ohpa-nalahar olek id wa, ne honona re idma nhi' nur mi'na la' ida.

⁴ Matroma! Pen Orgahamu Mkaduw nur mi'nani re honona, totpena la'pa rwer nur la yaltieri de yana rpo'on owa'ana.

⁵ Yoma lirni re riwra: “Hya' to' maka amiwra makota de plolli nek la mai am pia. Riy ida ta'enniana naplol nohor ami.”

⁶ Noma Itmatromlawanni Niwra: “Riy yatyata rhi' makakleha-kaplara pa ho'a-waka re, pede hota A' nianpena ed maka kmai pia kamori-kalewna mak kler la kleha-lara yoma rwaka tniulan la mai A'u.”

⁷ Itmatromlawanni Makdenrer die, nnio'oni de itpesiay memna yoma hota plola pa Enhi' nana. Nnio'oni re Naplol memna, pa emeknekama pi'ra molla maka ha rhuria la'a leli-kdieli.

^8-9 Rimormiori mak kyata-khala de hota la' meni-meni to' pa etla, ne nhi'inde riy rrana-rrana ir nhioli-liet yotyota-yatyata re la ltierni, mere Matroma, O' de ed maka kruwun reria a mormiori mamni, me Mutiak reri am lia riy yatyata-halala re pa nodi liarni.