Nhiara 110 - Alkitab bahasa Luang

Orgahi-Orha'a Nora ray miaka Ha Nwalir niana

¹ Daud nhiar ya'ulli-yawedni: Orgahi-Orha'a Nakot la a tun ra'yu Niwra: “Muliwnu (Mumtatnu) la a wa'lu malganna. La'pa Aghi'a arwalmu re pa rwaltior la o lakmu nayanni”.

² Hota Orgahi-Orha'a ed maka khi'a o lodanmu-hairmu nwatiawua Sion pa nawerna-naplahwa, totpena omtiorn apitga arwalmu re honona.

³ La' ler maka mlier la ar ralma, de o rimormiormu re rwaleran pa rlerler nohor o'a de, rahmuakur toto' memna. O' de hitita-reprepar nohora hewewta-naniayarmu. O rimormiormu raruri-ra'orat nekpa emeknekama tuwari-laweru. Emkade pede emolmolan nekama howna kgar yawyawra maka lera-lera nekpa pepe'er to'owa.

⁴ Orgahi-Orha'a Nlokr olekwa me hota E' edonna Naheri-nawalia E lirni: “O' di de makpolu-makwak (imam) la Uplerlawna id o'a pa nodi liarni emekwalima Melkisedek makla' makpolu-makwak (imam) la Uplerlawna la' ululu de.”

⁵ Orgahi-Orha'a etla o walmu malganna, ne la'pa ntutu-nte'ela ler mak Orgahi-Orha'a Ntutga yawenan lawanni de hota E Nala ray-ray honona re la' yawa.

⁶ Hota E' ed maka kukmua lodna-hairi re honona, pa rurni-kliakallu re mana knunu-knera. He'a-he' maka ktorna-krautu la'a nohkeran di wawannu, de hota E' ed maka ku'uta mkoha-amnannia re.

⁷ Mere o' de ho'mana hota muemun la ger wawuau makden la' talla aratni. Emkade pede mururi owa'an pa mrian owa'ana o'tamu la heyanna.