Nhiara 100 - Alkitab bahasa Luang

Nhiar Ya'uli-yawedi

¹ Rwahniar nohora nhiurliwtu-wnialodwa maka ir rala totpa ra'uli-rawedi Itmatromlawanni Makdenreri: Makden la noha wawannu hononmi mriarin la Itmatromlawanni yoma ralammi nahepuepru, de mriarin la haleluya!

² Mkiola tieru-miawur nehla la Itmatromlawanni, de miodia ralammi mak kahepuepur nohora. Mtiutrier lia gaini ralamni pa mpiatunu-mpiahniara de mlioi-mhiek nohor nhiarmi.

³ Mhioratreria! Itmatromlawanni Makdenreri, de Uplerlawna inhatta. E' ed maka khi' it pa itla' E gahani. Rimormior it di de emeknekama E pipni-dumni.

⁴ Mliola roma kreini nhiar lawanni de, mriarin de miodia nhiar maka ha ra ra'uli-rawedi E'a onnila hya' ed maka Nhi' nana. La'pa mlier la roma krei herni-gaini de mi'uli-miwedia mlilili-mmiamuawua E mak kdella tutullu-lolo'oni.

⁵ Yoma Itmatromlawanni Makdenreri pa Nhi' neka hya' mak kalwiedweda, ne la'a sniayanni de nodi liarni pa nodi liarni. Hota emkade la durti-waiti la' durti-waiti pa nodi liarni.